თოჯინების სახელმწიფო თეატრი არის ერთადერთი, რომელსაც საკუთარი შენობა არ გააჩნია და ბილეთებიდან შემოსული თანხით უწევს დარბაზის ქირაობა. რეპეტიციისა და წარმოდგენის გასამართად, როგორც აღმოჩნდა თეატრს საკუთრი შენობა 2011 წლიდან არ გააჩნია. რატომ აღარ აქვს თეატრს შენობა, სად უწევს დასს რეპეტიციისაა და წარმოდგენის გამართვა, რა პასუხი აქვს ამ ყველაფერზე ქვეყნის მთავრობას, ამ და სხვა შეკითხვებზე ”თბილისი თაიმსს” თოჯინების თეატრის სამხატვრო ხელმძღვანელი ელენე მაცხონაშვილი ესაუბრა.
როდიდან არის თოჯინების სახელმწიფო თეატრი შენობის გარეშე და რამ გამოიწვია ეს ფაქტი?
თოჯინების სახელმწიფო თეატრი შენობის გარეშე დარჩა 2011 წლის მარტიდან, როდესაც დაიწყო აღმაშენებლის გამზირის რეაბილიტაცია, ჩვენი შენობაც მოყვა ამ პროექტში. ამჟამად რა ფუნქცია აქვს თეატრის ყოფილ შენობას, რომელიც მარჯანიშვილის 103 ნომერში მდებარეობს? თეატრის ყოფილ შენობას ამჟამად არანაირი ფუნქცია არა აქვს, რეაბილიტაცია ჩაუტარდა შენობის ფასადს, შიგნით კი შავი კარკასი და ნანგრევებია ამ ეტაპზე.
როგორც ცნობილია, თეატრი წარმოდგენებისთვის სცენას ქირაობს, რა თანხებთანაა დაკავშირებული ყოველივე ეს, სად ახერხებს დასი წარმოდგენებისთვის რეპეტიციის გავლას?
სცენის ქირაობა საკმაოდ სერიოზულ თანხებთანაა დაკავშირებული. თეატრი ამას ახერხებს საკუთარი სახსრებით, თანხა, რომელიც ახალი სპექტაკლების მომზადებას უნდა მოხმარდეს იხარჯება დარბაზის ქირაობაში. დასი რეპეტიციას გადის ძალიან პატარა ოთახში, რომელიც არის 20-22 კვადრატული მეტრი, რომელშიც ძლივს ვეტევით, „თბილქალაქსერვისის“ შენობის მეხუთ სართულზე, აქვეა განთავსებული თოჯინების თატრის ადმინისტრაციაც.
სახელმწიფო თუ აფინანსებს თეატრს, იჯარას ან სხვა ხარჯებს თუ ანაზღაურებს?
მხოლოდ სახელფასო ფონდია კულტურის სამინსიტროს მიერ დაფინანსებული, იჯარას და სხვა ხარჯებს თოჯიინებსი თეატრი იხდის თავისი მწირი შემოსავლებით.
ოთხი წელია რაც თეატრი შენობის გარეშე დარჩა, ამ დროის განმავლობაშიხომ არ გამოჩენილა სპონსორი, რომელიც თეატრს დაეხმარა?
ოთხი წლის განმავლობაში თეატრი შენობის გარეშეა, ამ დროის განმავლობაში არცერთი სპონსორი არ გამოჩენილა. არავის ქონია დახმარების სურვილი. ჩვენ, რა თქმა უნდა, მივმართეთ სახელმწიფოს, ასევე კერძო სექტორსაც. ადამიანებს, რომლებიც ქველმოქმედებით არიან დაკავებულნი, მაგრამ რატომღაც არც სახელწიფოსთვის და არც კერძო სექტორისთვის ბავშვები პრიორიტეტული არ აღმოჩნდა.
კულტურის სამინისტროსთვის ან მერიისთვის თუ მიგიმართავთ დახმარების სათხოვნელად, სახელმწიფოს რა პოზიცია აქვს თეატრის პრობლემასთან დაკავშირებით?
რა თქმა უნდა მივმართეთ ორივე სტრუქტურას, რაღაც ზოგადი გეგმა არსებობს. კულტურის სამინსიტრო, ქალაქის მერია და ინფრასტრუქტურის სამინსიტრო ერთობლივად აპირებს კულტურის სამინსიტროს დაქვემდებარებაში მყოფი სიპების, რომელსაც მსგავსი პრობლემები გააჩნია, რეაბილიტაციას, მაგრამ კონკრეტული ნაბიჯები ჯერ არ გადადგმულა.
შენობის უქონლობა, მცირე სცენა და დარბაზი მაყურებლის კლების მიზეზი ხომ არ გამხდარა? რამდენად დადის მაყურებელი თოჯინების თეატრში?
ერთადერთი რაზეც ვერ დავიწუწუნებთ არის მაყურებელი. მიუხედავად იმისა, რომ საკმაოდ შორს ვართ ქალაქის ცენტრისგან განთავსებული, მაყურებელი მაინც დიდი რაოდენობით გვყავს. თოჯინების თეატრი წარმოდგენებს მართავს კულტურის ცენტრ ”მუზაში”, რომელიც ბაგებში მდებარეობს.
თოჯინების თეატრის გეგმებზე რას გვეტყვით, რა რეპერტუარს სთავაზობს თეატრი მაყურებელს, გასტროლები ხომ არ არის დაგეგმილი?
თეატრი მაყურებელს მრავალფეროვან რეპერტუარს სთავაზობს. სეზონი გაიხსნა პრემიერით: ”იავნანამ რა ჰქმნა”, ოქტომბერში გვქონდა კიდევ ერთი პრემიერა სპექტაკლისა ”ნატვრის ხის ზღაპარი”, 30 ნოემბერს დაგეგმილია ”მაწანწალას” პრემიერა, წლის ბოლომდე კი თოჯინების თატრი ბავშვებს ”მოხტუნავე პრინცესას” სპექტაკლს შესთავაზებს. პრობლემების მიუხედავად, გეგმების საკმაოდ ამბიციური გვაქვს, რამდენიმე პრემიერის პარალელურად ვემზადებით გასტროლებისთვის, რომელიც სხვადასხვა ქვეყანაში სხვადასხვა სპექტაკლით გაიმართება.
11.11.14
ნინა პირტახია