ხვალ 14:00 საათზე, სასტუმრო თბილისი მერიოტში ახალგაზრდა ანალიტიკოსთა და მეცნიერთა დარბაზ „დოქტრინას“ მიერ გაიმართება ეკონომიკური ფორუმი „ქართული ღვინის ბაზრის ანალიზი – საქართველო და მსოფლიო“.
როგორც „თბილისი თაიმსს“ ორგინიზატორებმა აცნობეს, ფორუმზე წარმოდგენილი იქნება ღვინის მწარმოებელი კომპანიების უახლესი რეიტინგი:
- ბრუნვის მიხედვით
- დასაქმებულ ადამიანთა რაოდენობის მიხედვით
ასევე მოხდება, ღვინის მოხმარების სტატისტიკური მაჩვენებლების ანალიზი წინა წლის პერიოდთან შედარებით.
მათივე ინფორმაციით, გაიმართება ეკონომიკის ექსპერტების მსჯელობა იმ საკითხზე, თუ რა გავლენა ქონდა რუსული ბაზრის ჩაკეტვას ქართული ღვინის ექსპორტზე. ასევე გაიმართება საგარეო ვაჭრობის (ექსპორტი-იმპორტი) მიმოხილვა, წარმოდგენილი იქნება ღვინის ექსპორტიორი და იმპორტიორი ქვეყნების რეიტინგი და ჩამოსასხმელი ღვინის ფასის დინამიკა 2013-2014 წლებისთვის.
დისკუსიის საგანი იქნება იქნება საერთაშორისო ბაზრების შედარებებიც.
ფორუმს დაესწრებიან ეკონომიკის ექსპერტები, ღვინის ექსპორტიორი კომპანიების წარმომადგენლები და დაინტერესებული მხარეები.
ფორუმზე წარმოდგენილი იქნება შესაბამისი რეკომენდაციები და შენიშვნები.
13.11.14
