ის ხელშეკრულება, რომელსაც რუსეთმა და აფხაზეთის რეგიონმა ხელი მოაწერეს, ეს არის უკან გადადგმული ნაბიჯი, რაც ართულებს კონფლიქტის მშვიდობიან გადაჭრას, – ამის შესახებ ლატვიის პრეზიდენტმა ანდრის ბერზინშმა საქართველოს პრეზიდენტ გიორგი მარგველაშვილთან ერთად გამართულ ერთობლივ პრესკონფერენციაზე განაცხადა.
მან მადლობა გადაუხადა გიორგი მარგველაშვილს საქართველოში მოწვევისთვის და აღნიშნა, რომ ორ ქვეყანას შორის ურთიერთანამშრომლობა გაიზრდება.
“ჩვენ ერთობლივად, ნებისმიერი კონფლიქტი უნდა გადავწყვიტოთ სამშვიდობო გზებით. ლატვია მხარს უჭერს საქართველოს სუვერენიტეტსა და ტერიტორიულ მთლიანობას. ის ხელშეკრულება, რომელსაც რუსეთმა და აფხაზეთის რეგიონმა ხელი მოაწერეს, უკან გადადგმული ნაბიჯია, რაც ართულებს კონფლიქტის მშვიდობიან გადაჭრას და ეჭვის ქვეშ აყენებს რეგიონში სტაბილურობას. მე ვფიქრობ, რომ მხარეებმა თავი უნდა აარიდონ ნებისმიერ დესტრუქციულ საქმიანობას”, – განაცხადა ლატვიის პრეზიდენტმა.
მისივე თქმით, გიორგი მაგველაშვილთან პროდუქტიული შეხვედრა ჰქონდა.
“ჩვენ გვქონდა ძალზედ ინტენსიური და პროდუქტიული შეხვედრა, ეს დასტურია ორმხრივი ინტერესებისა, რომელიც არსებობს ჩვენს ქვეყნებს შორის. გვექნება შეხვედრები სხვადასხვა სამინისტროებთან, სხვადასხვა წარმომადგენლებთან. ეს კიდევ ერთხელ ადასტურებს რამდენად სერიოზულია სურვილი გაღრმავდეს თანამშრომლობა საქართველოსთან. ჩვენი ვიზიტის ერთ-ერთი ამოცანა არის ის, რომ გავაღმავოთ ეკონომიკური ურთიერთობა, ეს იქნება უარღესად მნიშვნელოვანი შემოტრიალების წერტილი ჩვენი თანაამშრომლობის შემდგომი გაღრმავების თვალსაზრისით”, – განაცხადა ანდრის ბერზინშმა.
მისი თქმით, ლატვიამ, ისევე როგორც საქართველომ, კიდევ ერთხელ დააფიქსირეს ევროპული მიდრეკილებები და მზაობა ხელი შეუწყონ მშვიდობას ევროპაში.
“მას შემდეგ რაც ჩვენ გავხდით ევროკავშირისა და ნატოს წევრი ქვეყნა მეტი შესაძლებლობა მოგვეცა დაგვემყარებინა ურთიერთობები კანადასთან, აშშ-სთან. ამ ვიზიტის ფარგლებში 70-ზე მეტი ბიზნესმენი მახლავს, რათა ჩამოყალიბდეს ახალი კონტაქტები და ერთობლივად შევიმუშაოთ ბიზნეს პროექტები. პირისპირ შეხვედრის დროს საქართველოს პრეზიდენტთან საუბარი გვქონდა მნიშვნელოვან საკითხებზე, როგორ უნდა დაახლოვდეს შავი ზღვისა და ბალტიისპირეთის ქვეყნები ეს იქნება სასარგელო ყველა ჩართული მხარისთვის. ჩვენი მხარდაჭერა იმისა, რომელიც საქართველომ აირჩია – ეს არის ევროპული გზა. ლატვიამ რეფორმების დიდი გზა გაიარა და შეგვძილია გაგიზიაროთ ეს გამოცდილება, რომ რაც შეიძლება სწრაფად მოხდეს ყველა სტანდარტების დანერგვა და შესრულება. საქართველომ დაამტკიცა, რომ ის არის საიმედო პარტნიორი, ამის დასტურია ავღანეთის მისია. ჩვენ ერთობლივად ნებისმიერი კონფლიქტი უნდა გადავწყვითო სამშვიდობო გზებით”, – განაცხადა ლატვიის პრეზიდენტმა.
26.11.14