3 დეკემბერს, 17:00 საათზე სამების საკათედრო ტაძრის საკომფერენციო დარბაზში (ახალგაზრდული ცენტრი), მოძრაობა დავითიანნის ფსიქოლოგიის ცენტრის ორგანიზებით, ტარდება კონფერენცია თემაზე: „ძალადობა და ძალადობის პრევენცია.”
ორგანიზატორების ინფორმაციით, კონფერენციაში მონაწილეობა შეუძლია ნებისმიერ მსურველს განურჩევლად ასაკისა და განათლებისა. სამიზნე აუდიტორია – სტუდენტები, ახალგაზრდები, ფსიქოლოგები, განათლების სფეროს წარმომადგენლები.
“უნდა აღინიშნოს ის ფაქტი, რომ დღეს ძალადობა საქართველოში ერთ-ერთი სერიოზული პრობლემაა და ეს კონფერენცია შეეცდება თავისი წვლილი შეიტანოს საზოგადოების ცნობიერების ამაღლებაში. მომხსენებლები იქნებიან ის ადამიანები, რომელთა ნაშრომებიც საუკეთესო ათეულში მოხვდება. კონფერენციაზე განხილული იქნება ისეთი თემები, როგორებიცაა: ძალადობა გენდერული ნიშნით, ფსიქოლოგიური ძალადობა ოჯახში, ბავშვთა მიმართ ძალადობა, ძალადობის სხვადასხვა გამოხატულება (ასაკთან, რელიგიასთან, რასასთან მიმართებაში.)”, – აღნიშნავენ ორგანიზატორები.
მათივე განცხადებით, მსგავი სახის კონფერენციები გაზრდის ინტერესს ახალგაზრდებში, რომ უფრო დაინტერესდნენ თემით და იფიქრონ მისი პრევენციის გზებზე.
ფსიქოლოგიის კომიტეტის ხელმძღვანეილი, ნინო კერესელიძის განცხადებით: “თემის აქტუალურობიდან გამომდინარე, ახალგაზრდული მოძრაობა დავითიანნის ფსიქოლოგიის ცენტრმა გადაწყვიტა გაეკეთებინა ისეთი პროექტი, სადაც არამარტო ფსიქოლოგები და ფსიქოლოგიით დაინტერესებული პირები ჩაერთვებოდნენ, არამედ ზოგადად ნებისმიერი ასაკისა და ინტერესის მქონე ადამიანი შეძლებდა მონაწილეობის მიღებას. ყოველ შერჩეულ მონაწილეს გადაეცემა სერტიფიკატი, ასევე მათი ნაშრომები შევა კონფერენციისადმი მიძღვნილ წიგნში, რომელიც იბეჭდება ტექნიკური უნივერსიტეტის ახალგარდული თვითმართველობის ეგიდით. ხოლო საპრიზო ადგილების მფლობელებს გადაეცემათ პარტნიორი უნივერსიტეტების და ორგანიზაციებისგან საჩუქრები”.
01.12.14
