“წინა წელს ეროვნულმა ბანკმა საერთაშორისო რეზერვების შესავსებად 335 მილიონი დოლარის წმინდა შესყიდვა განახორციელა (მიმოქცევიდან დოლარი ამოიღო) – გაყიდა 240 $ მლნ და იყიდა 575 მლნ დოლარი (!!!) – ეს იმიტომ, რომ სწორედ 2013 წელს დაიწყო წინა მთავრობის დროს აღებული ვალის მაშტაბური დაბრუნების პროცესი,” – ამის შესახებ მიხეილ დუნდუა საკუთარ ფეისბუქ გვერდზე წერს.
“თბილისი თაიმსი” ტექსტს უცვლელად გთავაზობთ:
“2008-2012 წელს, რომ გონივრულად გამოგვეყენებინა ის ნაწყალოვები 4,5 მილიარდი, ახლა ეროვნული ბანკი, უფრო თამამი იქნებოდა საერთაშორისო რეზერვების აქტიური გამოყენების თვალსაზრისით… ზემოთ აღნიშნული 335 მილიონი სავსებით საკმარისია იმისთვის, რომ ლარი – დოლარის კურსი 2012 წლის დონეს დაუბრუნდეს, რაც შეეხება საგადამხდელო ბალანსის უარყოფით სალდოს, რაც მთავრობისგან მთავარი “პასუხმოსათხოვი” მაკრო ფაქტორია სავალუტო კურსის ჩამოყალიბებისათვის, ის 2013 წელს მშპ-ს – 5,9%-ი იყო, რაც ყველაზე კარგი მაჩვენებელია დამოუკიდებელი საქართველოს ისტორიაში, და 2012 წლის მაჩვენებელზე, გინდ 2011 წლის მაჩვენებელზე 2-ჯერ უკეთესია! წელს საგადამხდელო ბალანსის უარყოფითი სალდო სავალუტო ფონდის ექსპერტიზის მიხედვით, მშპს-ს 8,35%-ი იქნება, რაც 2013 წლის გარდა, ყველაზე კარგი მაჩვენებელია 2005-2014 წწ პერიოდში. ასე რომ, კურსთან დაკავშირებული დღევანდელი მდგომარეობა წინა მთავრობის მიერ დაშვებული შეცდომების თავმოყრის შედეგია… 2008-2012 წწ-ში 4,5 მილიარდმა თავისი საქმე გააკეთა,და 2013 წლიდან, როცა ვალის გასტუმრების პერიოდი დადგა, დავუბრუნდით რეალობას….” – წერს მიხეილ დუნდუა.
08.12.14
