სს “ჩემი ოჯახის კლინიკამ” ლაბორატორიების გარე ხარისხის შეფასება დაიწყო. “ჩემი ოჯახის კლინიკის” ცნობით, ლაბორატორიების გარე ხარისხის შეფასება ლაბორატორიებში ჩატარებული კვლევების სიზუსტის და საიმედოობის შეფასებას გულისხმობს.
“პროექტის პირველი ეტაპის შედეგები გერმანიიდან – RfB (Reference Institute for Bioanalytics) ბიოანალიზის რეფერენს ინსტიტუტიდან უკვე მიღებულია და მონაწილე ლაბორატორიებს მიენიჭათ ხარისხის სერტიფიკატი აღიარებული IFCC (International Federation of Clinical Chemistry and Laboratory Medicine)-ის მიერ”, – აცხადებენ “ჩემი ოჯახის კლინიკაში”.
პროექტში დასავლეთ საქართველოს ეროვნული სამედიცინო ცენტრის, იმერეთის რეგიონალურ კლინიკური საავადმყოფოს, წმ. ნიკოლოზის ქირურგიული ცენტრის, ბათუმის რეფერალური საავადმყოფოს, ზუგდიდის მრავალპროფილური საავადმყოფო “რესპუბლიკა”-ს და თბილისის ამბულატორიული კლინიკების ლაბორატორიებია ჩართული.
“თითოეული ლაბორატორიის შედეგების დამუშავება-შეფასების მიხედვით, ჩატარებული ბიოქიმიური კვლევების სანდოობა 80%-დან 100%-მდეა.
აღნიშნული პროექტი გრძელდება: მომდევნო ეტაპები ეხება იმუნოლოიურ, ჰორმონალურ და კოაგულოლოგიურ გამოკვლევებს”, – განმარტავენ კლინიკაში.
14.05.13
