საქართველოს ეროვნული ბანკის პრეზიდენტი ოფიციალური ვიზიტით სომხეთის რესპუბლიკაში გაემგზავრა.
ეროვნული ბანკის ინფორმაციით, გიორგი ქადაგიძე მონაწილეობას მიიღებს ცენტრალური აზიის, შავი ზღვის რეგიონისა და ბალკანეთის ქვეყნების ცენტრალური ბანკების მმართველთა კლუბის 30-ე შეხვედრაში, რომელიც სომხეთში 12-14 სექტემბერს გაიმართება.
შეხვედრის მთავარი სადისკუსიო თემაა – კრიზისის შემდგომი გაკვეთილები: ახალი მიდგომები და მომავალი გამოწვევების დაძლევის გზები.
შეხვედრის მონაწილეები ასევე იმსჯელებენ ახალ გლობალურ მარეგულირებელ სტრუქტურაზე, მსოფლიო ეკონომიკისა და ძირითადი საფინანსო ბაზრების პერსპექტივებსა და დოლარიზებული ეკონომიკის გამოწვევებზე.
ვიზიტის ფარგლებში გიორგი ქადაგიძე უკრაინის, მოლდოვას, ყაზახეთისა და სხვა ცენტრალური ბანკების ხელმძღვანელებსაც შეხვდება.
11.09.13
