2013 წლის აპრილში 2013 წლის მარტთან შედარებით სამრეწველო პროდუქციის მწარმოებელთა ფასების ინდექსი შემცირდა 0,8 პროცენტით როგორც 2013 წლის მარტთან, ასევე 2012 წლის აპრილთან შედარებით, ნათქვამია საქსტატის მიერ გამოქვეყნებულ მონაცემებში.
2005 წლის საშუალოსთან შედარებით ინდექსის ზრდამ შეადგინა 62,0 პროცენტი.
2013 წლის აპრილში 2013 წლის მარტთან შედარებით ინდექსის ფორმირებაზე ძირითადი გავლენა იქონია ფასების ცვლილებამ შემდეგ სექციებზე:
დამამუშავებელი მრეწველობა: ფასები შემცირდა 1,0 პროცენტით და შესაბამისად, სექციის წვლილმა ინდექსის პროცენტული ცვლილების საერთო მაჩვენებელში -0,86 პროცენტული პუნქტი შეადგინა. ფასების კლება დაფიქსირდა შემდეგ ქვესექციებზე: ცელულოზა-ქაღალდის მრეწველობა და საგამომცემლო საქმიანობა (18,5 პროცენტი), საკვები პროდუქტების (სასმელების ჩათვლით) და თამბაქოს წარმოება (1,9 პროცენტი).
ელექტროენერგიის, აირისა და წყლის წარმოება და განაწილება: ფასები გაიზარდა 1,6 პროცენტით და სექციის წვლილმა აპრილის თვის ინდექსის პროცენტული ცვლილების მაჩვენებელში 0,22 პროცენტული პუნქტი შეადგინა. 2013 წლის აპრილში 2012 წლის აპრილთან შედარებით ინდექსის ფორმირებაზე ძირითადი გავლენა იქონია ფასების ცვლილებამ შემდეგ სექციებზე:
დამამუშავებელი მრეწველობა: მოცემულ პერიოდში ფასები შემცირდა 1,3 პროცენტით, რის შედეგადაც, სექციის წვლილი ინდექსის პროცენტული ცვლილების წლიურ მაჩვენებელში -1,12 პროცენტული პუნქტის დონეზე დაფიქსირდა. ფასები შემცირდა მეტალურგიულ მრეწველობასა და ლითონის მზა ნაწარმის წარმოებაზე (5,1 პროცენტი). ამასთან, ფასები გაიზარდა საკვები პროდუქტებისა (სასმელების ჩათვლით) და თამბაქოს წარმოებაზე (1,6 პროცენტი).
ელექტროენერგიის, აირისა და წყლის წარმოება და განაწილება: ფასები შემცირდა 1,4 პროცენტით და სექციის წვლილმა მოცემული პერიოდის ინდექსის მთლიან ცვლილებაში -0,21 პროცენტული პუნქტი შეადგინა.
15.05.13
