თბილისში მუნიციპალური ბიბლიოთეკების, მუზეუმების და სახელოვნებო სკოლებში მომუშავე 2000-მდე თანამშრომელი მე-13 ხელფასს მიიღებს, – ამის შესახებ თბილისის საკრებულოს საფინანსო-საბიუჯეტო კომისიის თავმჯდომარემ ჯაბა სამუშიამ განაცხადა.
მისივე თქმით, მათი კომისია მუშაობს მე-13 ხელფასის გაცემის საკითხთან დაკავშირებით, რათა მოხდეს 2000-მდე თანამშრომლისათვის ხელფასის დარიცხვა.
მისივე თქმით, ეს წაახალისებს აღნიშნული მუნიციპალური სამსახურებში მომუშავე დაბალი ანაზღაურების მქონე თანამშრომლებს.
როგორც ჯაბა სამუშიამ განმარტა, მე-13 ხელფასი მერიის მიერ დაფუძნებულ 100%-იანი წილის მქონე ორგანიზაციებში უკვე გაიცა, კერძოდ, ბაღებზე, “თბილსერვის ჯგუფზე”, სატრანსპორტო ორგანიზაციაზე. მისივე განცხადებით, მე-13 ხელფასის გაცემა ამ ორგანიზაციებისთვის საკრებულოს უმრავლესობის ინიციატივა იყო.
26.12.14