სპორტისა და ახალგაზრდობის საქმეთა სამინისტროში შეზღუდული შესაძლებლობების მქონე პირთა დასაქმების კონკურსის დასკვნითი ეტაპი ჩატარდა. სამინისტრომ 2015 წლის 13 იანვარს “შეზღუდული შესაძლებლობის მქონე პირთა საზოგადოებაში ინტეგრაციის” პროგრამის ფარგლებში გამოაცხადა კონკურსი დისტანციურ დასაქმებაზე, კერძოდ, შემეცნებითი სახის სტატიებზე სამუშაოდ.
როგორც “ითბილისი თაიმსს” სამინისტროდან აცნობეს, კონკურსი ჩატარდა ორ ეტაპად. სულ კონკურსის ფარგლებში შევიდა 40 განაცხადი, პირველ ეტაპზე განაცხადების საფუძველზე შეირჩა 30 მონაწილე, რომლებსაც მიეცათ დავალება დაეწერათ სტატია, ერთ-ერთი ცნობილი მწერლის შესახებ.
შერჩევის მეორე ეტაპი პროგრამის ხელმძღვანელების, სხვადასხვა არასამთავრობო ორგანიზაციების წარმომადგენლებისა და შშმ პირთა უფლებადამცველების მონაწილეობით ჩატრდა, მოხდა ახალგაზრდების ნაშრომების განხილვა და გამოვლინდა 8 გამარჯვებული: მაკა ნათელაური, ქრისტინე კოსტავა, ესმა გუმბერიძე, ზაზა ადანაია, გურანდა ჯამათაშვილი, გია მარიამიძე, ნოდარ მამაცაშვილი, გიორგი ქობალია.