საქართველოს პატრიარქის, უწმინდესისა და უნეტარესის ილია მეორის ლოცვა-კურთხევითა და “საგამომცემლო სახლის ქართული ელიტის“ ორგანიზებით, უკვე მეორე წელია ხორციელდება პროექტი „წმინდა ილია მართლის (ჭავჭავაძე) გაზეთ „ივერიის“ სახელობის პროზა-პოეზიის ლიტერატურული პრემია – „ივერია“. აღნიშნული პროექტის წელიწადი მეორის პირველი ღონისძიება კახეთში, 7 თებერვალს კაჭრეთში არსებულ კოლეჯ „აისში“ გაიმართა. ღონისძიებები ტრადიციულად, წელიწადის განმავლობაში თვეში ერთხელ, საქართველოს სხვადასხვა კუთხეში იმართება. პროექტში ყოველთვიურად ერთვება შვიდი პოეტი, ერთი ე. წ. შეზღუდული შესაძლებლობების მქონე ანუ განსაკუთრებული შესაძლებლობების მქონე ადამიანი, ერთი სასულიერო პირი, ერთი ფოტოხელოვანი, ერთი მხატვარი და ხატმწერი. ამასთანავე, პროექტში ჩართულნი არიან მსჯავდებულებიც, რომელთა ლექსების პრეზენტაციაც სწორედ ღონისძიებებზე ხდება.
შეხვედრის დასრულების შემდეგ „თბილისი თაიმსი“ პროექტის იდეის ავტორს, პრემიისა და „საგამომცემლო სახლის ქართული ელიტის“ დამფუძნებელს და მთავარ რედაქტორს, ნუგზარ ჭიაბერაშვილს გაესაუბრა.
„დღევანდელმა დღემაც უფლის წყალობითა და საქართველოს კათალიკოს პატრიარქის, უწმინდესისა და უნეტარესის ილია მეორის ლოცვა კურთხევით შესანიშნავად ჩაიარა. ეს იყო „წმინდა ილია მართლის (ჭავჭავაძეს) გაზეთ „ივერიის“ სახელობის პროზა-პოეზიის ლიტერატურული პრემია – “ივერიის” სრული დღესასწაული. დღესასწაული, რომელმაც გადაინაცვლა კახეთში, ილია ჭავჭავაძის მშობლიურ მხარეში, თუმცა ილიასთვის ყველა კუთხე და მთლიანად საქართველო მშობლიური მიწაა. გარდა ამისა, მე როგორც ერთი რიგითი მოქალაქე, ვთვლი, რომ ილია ჭავჭავაძე არის მსოფლიოს ლიტერატურისთვის, პროზა და პოეზიისთვის მნიშვნელოვანი შემოქმედი, განსაკუთრებით ქართველებისთვის და მათთვის, ვისაც ქართული ლიტერატურა უყვარს. ილია არის ჩვენი ერის უდიდესი ჯილდო, რომელის სახელსაც უნდა გავუფრთხილდეთ და მომავალს ისეთი დავუტოვოთ, როგორადაც მისმა უწმინდესობამ მოახდინა კანონიზირების სახით – წმინდანა, დიდ ლიტერატორად, ერისკაცად და ა.შ.. დღევანდელი დღე იყო ჩვენი პრემიის, წელიწადი მეორის პირველი ტური. ჩემთვის ცნობილი იყო, რომ ძალიან ბევრ ადამიანს სურდა დასწრება ამ ღონისძიებაზე, თუმცა წამოსვლა ვერ მოახერხეს. თუმცა, როგორც თქვენ ხედავთ, 300-ზე მეტი ადამიანი ესწრება და მათი უმეტესობა ახალგაზრდაა, სკოლის ასაკის და სტუდენტობა, მათ შორის პედაგოგები და საზოგადო მოღვაწეები თუ პოეტ-მწერლები, რაც ჩვენი პროექტის გამარჯვებას მიგვანიშნებს, – იშვიათად, რომ პოეზიის საღამოს ამდენი მსმენელი და გულშემატკივარი ჰყავდეს.
რაც შეეხება, ღონისძიებას ორგანიზატორები მივიჩნევთ, რომ ესაა პროექტი, რომელიც ემსახურება და აერთიანებს სრულიად საქართველოს, განსხვავებული მრწამსისა თუ ეთნიკურობისა, ვინაიდან ილია მართლისთვის ნებისმიერი ადამიანი – საქართველოს მოქალაქე, მისთვის ყოველი ადამიანი ღვთის ხატებაა. ჩვენ ვემსახურებით ქართულ პროზა-პოეზიას, რომელიც ნამდვილად დასაფასებელი და განსაკუთრებულია ჩვენი ქვეყნის მომავლისა და ისტორიისთვის.
როგორც იცით ღონისძიება სოფელ კაჭრეთში, საზოგადოებრივ კოლეჯ „აისში“ გაიმართა. კოლეჯის კომპლექსში გაერთიანებულია – წარმატებული სწავლისთვის ყველა საჭირო კომპონენტი. იგი წარმოადგენს თანამედროვე დონეზე რეაბილიტირებულ, ახალი ტექნოლოგიებით აღჭურვილ პროფესიულ საგანმანათლებლო დაწესებულებას. თბილისიდან ჩასული სტუმრები “აისის” დირექტორმა, ქალბატონმა ნათელა პაპუნაშვილმა მიიღო. პროექტის ორგანიზატორებმა და მონაწილეებმა „ილიას ბაღის“ გაშენებას ჩაუყარეს საფუძველი და 25 ნერგი დავრგეთ. ამის შემდეგ კი, მონაწილეებმა ღონისძიებაზე გადაინაცვლეს. საღამოს უძღვებოდა რუსთაველის თეატრის მსახიობი ბექა სონღულაშვილი და განსაკუთრებული შესაძლებლობის მქონე ადამიანი, (ე.წ. შშმპ) საქართველოს საპატრიარქოს ტელევიზია “ერთსულოვნების” შუადღის ერთ-ერთი წამყვანი, ანა ნაზღაიძე.”
ანა ნაზღაიძე:
„დღევანდელი საღამოს წაყვანა ჩემთვის დებიუტი იყო და ძალიან ბედნიერი ვარ ამით. ღონისძიებით კმაყოფილი ვარ, რადგან შევხვდი ისეთ ადამიანებს, რომელთა შეხვედრაზეც ალბათ, ვერც კი ვიოცნებებდი. ვიმედოვნებ, რომ ეს პროექტი დიდხანს გაგრძელდება, იგი ბევრ ნიჭიერ ადამიანს აძლევს საშუალებას, რომ მიაწოდოს საზოგადოებას თავისი შემოქმედება და შეახვედროს ისინი ერთმანეთს. სასიამოვნო იყო ისიც, რომ პატრიარქის კურთხევით დავრგით ხეები და მიხარია, რომ ჩემს ცხოვრებაში პირველი ხე სწორედ დღეს _ აქ, კახეთში დავრგე“.
ღონისძიების მსვლელობისას `ილია მართლის (ჭავჭავაძე) გაზეთ ივერიის სახელობის პროზა-პოეზიის პრემია `ივერიას~ ლაურეატებმა წაიკითხეს ლექსები. საღამოზე წარმოდგენილი იყო ხატმწერ ექსანა ბოლქვაძის მიერ დაწერილი საოცარი ხატები აგრეთვე საღამოზე გამოფენილი იყო არაჩვეულებრივი მხატვრის, ინგა მეშვილდიშვილის მშვენიერი შემოქმედება და, ფოტოხელოვანი ნინო მენთეშაშვილის ფოტოშემოქმედება. მათთან ერთად, თავისი ლექსი დამსწრე საზოგადოებას სასულიერო პირმა დეკანოზმა გაბრიელმა (კულუმბეგაშვილმა) წაუკითხა.“
ლამზირა შეყილაძე (პოეტი, პროექტის მონაწილე):
„დღევანდელი დღე ჩემთვის უძვირფასესია… ასე მგონია, რომ მოვხვდი სამოთხეში. ადამიანები, სადღაც შორს ვეძებთ ხოლმე სამოთხეებს, მე კი აღმოვაჩინე, რომ ის აქვე ყოფილა. ძალიან ბედნიერი ვარ, ყველაფერთან ერთად დავრგე ნერგები. ყოველთვის მიყვარდა ამ პროცესში მონაწილეობის მიღება, მაგრამ დღეს ამ ყველაფერს განსაკუთრებული სიყვარულით ვაკეთებდი. მინდა, რომ „ილიასეული ბაღთან“ ერთად ამ პროექტმაც ძალიან დიდხანს იარსებოს.“
ღონისძიებას ესწრებოდა ქალბატონი თინათინ მღვდლიაშვილი, „წმინდა ილია მართლის (ჭავჭავაძე) გაზეთ „ივერიის“ სახელობის პროზა – პოეზიის ლიტერატურული პრემია – „ივერიის“ ლაურეატი, ნომინაციაში „წლის პოეზიის დედოფალი“.
თინათინ მღვდლიაშვილი:
„დღეს უაღრესად ამაღლებული, მაჟორული განწყობა მაქვს. უკვე მესამედ გვმასპინძლობს კახეთის ბარაქიან მიწაზე მდებარე საზოგადოებრივი კოლეჯ „აისის“ ხელმძღვანელი ნათელა პაპუნაშვილი. სწორედ ამ პროექტის დამსახურებაა ქალბატონ ნათელასთან ერთად, რომ შენდება წმინდა ილია მართლის (ჭავჭავაძის) სახელობის „ხელოვნების სასახლე“, რომელსაც, დარწმუნებული ვარ, დიდი მომავალი აქვს.
სასიამოვნოა, რომ პოეტების, მწერლების, ხატმწერების, მხატვრების, ფოტოხელოვანებისა და განსაკუთრებული შესაძლებლობების მქონე ადამიანების ხელით გაშენდება „ილიას ბაღი“, რომ ჩვენი ხელით დარგული ხეები იშრიალებენ ამ პატარა სამოთხეში.
შემოქმედებით წარმატებებს ვუსურვებ ყველა ნიჭიერ და ღირსეულ მწერალს, უფლის წყალობა არ მოკლებოდეს პროექტის ავტორს ნუგაზრ ჭიაბერაშვილს, კაცს, რომელმაც უამრავ გულნატკენ ადამიანს მიანიჭა სიხარული და მომავლის იმედი ჩაუსახა, ეს კი რჩეულთა ხვედრია. კეთილი ანგელოზები ნუგზარს, ქალბატონ ნათელას და პროექტის ყველა მონაწილეს!“
ღონისძიებას ტრადიციულად უხდებოდა ქართული ცეკვის ანსამბლი „სამა“, ნათია ალფაიძის ხელმძღვანელობით. ამასთანავე, საღამოზე პროექტის ორგანიზატორმა ნუგზარ ჭიაბერაშვილმა დააანონსა, წამყვანი, ანა ნაზღაიძის იდეაც, პროექტი-კონკურსი, რომელშიც იგი იწვევს ნებისმიერ მსურველს, რომ მიიღოს მონაწილეობა ე. წ. შეზღუდული შესაძლებლობების მქონე პირთა ჰიმნის ტექსტის შექმნაში.
პროექტის მედია პარტნიორია საინფორმაციო-ანალიტიკური სააგენტო „თბილისი თაიმსი“.
ნათია კეკენაძე
