თუკი მოვლენებს შევაფასებთ ეგვიპტესა და სირიაში, მსოფლიოში მიმდინარე სხვა პროცესების გათვალისიწნების გარეშე, მაშინ დასკვნები ცალმხრივი გამოვა.
ახლო აღმოსავლეთის ბედს განსაზღვრავს შორეულ აღმოსავლეთში მიმდინარე მოვლენები, სადაც სიტუაცია იძაბება.
ერთი კვირის განმავლობაში ამ რეგიონში რუსეთი მასშტაბურ სამხედრო წვრთნებს ჩაატარებს, სახელწოდებით – ციმბირი და რუსეთის შორეული აღმოსავლეთი. აღმოსავლეთ ციმბირში გადის რუსეთ-ჩინეთის საზღვარი. რუსეთის შორეული აღმოსავლეთი გულისხმობს მეზობლობას წყნარი ოკეანის სანაპიროსთან, ბერინგის სრუტესთან, იაპონიის ზღვასთან, ანუ ლაპარაკია გეოპოლიტიკურად უმნიშვნელოვანეს სივრცეზე.
წვრთნებში მონაწილეობას მიიღებს 160 ათასი სამხედრო მოსამსახურე, 70 სამხედრო გემი, 160 სამხედრო თვითმფირავი და ვეტრმფრენი. ასეთი სახის მასშტაბური მანევრები 2013 წელს მესამედ ტარდება.
წვრთნების მიზნად ყოველთვის ერთი და იგივე სახელდება: რუსეთის შეიარაღებული ძალების საბრძოლო მზადყოფნის შემოწმება, მაგრამ როგორიც არ უნდა იყოს ფორმულირება, ძნელი დასაჯერებელია, რომ ასეთი მასშტაბური ღონისძიებები მხოლოდ სამშვიდობო ხასიათის გზავნილი იყოს მსოფლიოსთვის.
არმია ძალას იკრებს. რუსეთის არმიამ, 1998 წლიდან მოყოლებული, კურსი აიღო მოდერნიზირებისკენ, 2011-2020 წლებში სამხედრო საჭიროებისთვის განსაზღვრულია 470 მილიარდი ევრო. განსახღვრულია სამხედრო ტექნიკის 70 პროცენტით განახლება. განახლებული შემადგენლობა დისლოცირდება რუსეთის შორეულ აღმოსავლეთში. წყნარ ოკეანეში მოხდება ბაზირება ექსპლოატაციაში 2012 წელს შეყვანილი მრავალფუნქციური ატომური და დიზელის წყალქვეშა ნავებისა. შეგახსენებთ, რომ რუსეთი ერთადერთი ქვეყანა არ არის, რომელსაც წყნარ ოკეანეში სუპერთანამედროვე წყალქვეშა ნავები ჰყავს. ოკეანე დუღს.
ძნელი სათქმელია, შემორჩა თუ არა რუსეთს ძველი წითელი არმიის ნოსტალგია, მაგრამ დღეს მიღწეული სიმძლავრე და მისი პრეზენტაციის ფორმა წვრთნების სახით, გვაფიქრებინებს, რომ ასეთი ნოსტალგია არსებობს.
რას ეუბნება ერთი მეორეზე განხორციელებული ასეთი მასშტაბური წვრთნები მეზობელ ქვეყნებსა და მსოფლიოს? არის მეორე საკითხიც _ არანაკლებ მნიშვნელოვანი. ესაა არმიის ძლიერი და მასშტაბური კონტროლი.
24.07.13
