საქართველოს პარლამენტის, საქართველოს პრეზიდენტის რეზიდენციასა და სხვა სახელმწიფო უწყებების შენობებზე დილიდან საქართველოს სახელმწიფო დროშა დაშვებულია.
საქართველოს პარლამენტის 2010 წლის 21 ივლისის დადგენილების თანახმად, 25 თებერვალი საბჭოთა ოკუპაციის დღედ არის გამოცხადებული და საქართველოს მთელ ტერიტორიაზე სახელმწიფო დროშები ეშვება.
ამასთან, დღეს, საბჭოთა ოკუპაციის დღეს, 11:00 საათზე, პარლამენტის ვიცე-სპიკერი ზვიად ძიძიგური და თავდაცვის და უშიშროების კომიტეტის თავმჯდომარე ირაკლი სესიაშვილი 1921 წლის 25 თებერვალს საქართველოს დამოუკიდებლობისთვის ბრძოლაში დაღუპულ იუნკერთა მემორიალს გვირგვინით შეამკობენ.
1921 წლის 17 თებერვალს, საბჭოთა რუსეთის მე-11 არმიამ ომის გამოუცხადებლად საქართველოს ანექსია მოახდინა. ქართველი იუნკერები თბილისის მისადგომებთან, ტაბახმელა-კოჯორში განლაგდნენ. 1921 წლის 25 თებერვალს საქართველოს დამოუკიდებლობისთვის მებრძოლ იუნკერთა დიდი ნაწილი ბრძოლის ველზე გმირულად დაეცა.
