მღვდელმონაზონი მიქაელ ბრეგვაზე პირად Facebook გვერდზე ეკლესიის გაკრიტიკებასთან დაკავშირებით საქართველოს პირველი პრეზიდენტის ცოტნე გამსაზურდიას კომენტარს ეხმაურება
“ეს თუ მართალია „ზოგჯერ თქმა სჯობს არა თქმასა“ თუ პირიქითის გასაყარზე, გადავწყვიტე და ცოტაოდენს მაინც ვიტყვი, სამწუხაროდ, ამ ბოლო დროს, საგრძნობლად იმატა ეკლესიის ზოგად კონტექსტში ლანძღვა-გინებამ, ისე რომ ეგაა და თამბაქოსავით შევეჩვიეთ,- მავნეა, მაგრამ ნერვებს აწყნარებსო, მსგავსი… მიზეზი ისიცაა, რომ ქრისტიანების რაღაც ნაწილში, იმდენად იმდენ თავმომწონე სიბეცეებს ვაწყდებით, რომ აღარც ველით ვიდრე თვალდავსებულისაგან რეალობის სარწმუნო მოწმეობას, მეტადრე უხილავისა და სულიერისა…. ნათლისღების ხატის ასეთი შეფასება და ამ მოტივით მთელი ეკლესიის უმეცრებაში დადანაშაულება, ერთდროულად, შემფასებელის უამრავ (სიტყვას მეტათეზურად მოვიშველიებ) ცოტანეობაზე მეტყველებს:
1. ქრისტიანული ხატწერის, კერძოდ ლიტურგიული ჟანრის სრულ უცოდინარობას ააშკარავებს
2. ნათლისღების ლიტურგილ სახისმეტყველებით ხატებს, არანაკლებ 12 საუკ. წინანდელი არტეფაქტები ადასტურებს და ასეთი ლანძღვის შემცველი განცხადება მაკურთხევლებისა და მათ მიერ, მორწმუნე ხატმწერების მიმართ, არამარტო საქართველოს ისტორიულ ფასეულობებსა და მათ ავტორებს, არამედ მართლმადიდებლური სამყაროს კულტურულ მსოფლმხედველობას შეურაცხყოფს
3. ეკლესიის დაყოფა ოფიციალურად და არაოფიციალურად, თანაც ოფიციალურში (კონტექსტიდან გამომდინარე) ეკლესიების, ნაკურთხებისა და მაკურთხეველი მქადაგებელ-მიმთითებლების მოაზრება და ამ „სიბნელის“ იქით, რაღაც პროტესტანტული ჭეშმარიტების გავარსკვლავება, მეტი არაფერია თუ არა, კიდევ ერთი, რათქმაუნდა, არაოფიციალური ფარაონის გამოხტომა, თავზე სიბრძნე-გველის დიადემით… ავტორს ის მაინც კარგად ესმის, რომ საქართველო არაა თალიბანი და ჰამასი, აქ შეგიძლია „მარგალიტები თელო“ ყეფა-ყეფითა და ღრუტუნით(მათე7.6) რადგან ყველა ლანძღვა და გინება ამ ქვეყანაში ისე გემრილეად შეგრჩება, როგორც სხვებს შეარჩინეს, ამიტომ ზედმეტია უზნეობაზე, უტაქტობაზე და უკულტურობაზე თავის ჭყლეტა და კდემით ლოყების აწითლება, ეგეთები უკვე ერის სამაგალითო პალატ-პარლამენტებშიც აღარ ხდება …
კიდევ ვიმეორებ, ეს თუ მართალია, ძალიან დასანანია, რადგან მსგავსი პათოსის ავტორი ეკლესიის ნაკლის პროპაგანდას იმდენად აზარტულად ეწევა, რომ ეგზალტირებული საერთოდ ვერ აფასებს და ვეღარ ხედავს ეკლესიის სულის სუნთქვას – გმირს რომელიც თუნდაც გარეგნულად დაჭრილია და ოხრავს, მაგრამ მაინც დგას და ესოდენ ყვავ-ყორნებ შემოხვეული ამ მორიგ დაჩხავნასაც ძველებურად გადაიტანს…
P. S. თუ ეს ინტრიგნული ნათლიღების მილოცვა ცილისწამებაა და მითითებულ ავტორს არ ეხება, გულწრფელად ვითხოვ შენდობასა და პატიებას, ამ უნებელი შეცდომისათვის, რადგან ვერ შევძელი ჩემი, და და მეგობრების, თანამლოცველების, თანამსახურებისა და ქართული კულტურის პროფანულ შეურაცხყოფას საპასუხო სიტყვით მაინც არ გამოვხმაურებოდი….” – აცხადებს საკუთარ Facebook გვერდზე მღვდელ-მონაზონი მიქაელ ბრეგვაძე
წყარო: https://www.facebook.com/photo.php?fbid=722205637894814&set=p.722205637894814&type=1&theater
ქვემოთ გთავაზობთ ცოტნე გამსახურდიას კომენტარს
წყარო: http://www.geworld.ge/
დღეს ოფიციალურ ეკლესიაზე დიდი მტერი ქრისტეს მოძღვრებას არა ჰყავს!- ცოტნე გამსახურდია
ახლა ვნახე ნათლისღების ხატი:
ქრისტე იორდანეზე, ზემოდან ანგელოზები უცქერენ და მარჯვენა მხარეს გამოსახულ ორ ანგელოზს პირსახოცები უჭირავს :)))))))
რა უნდა ელაპარაკო ახლა ამის დამხატავს და მისთვის კურთხევის მიმცემს? :))))))
მეზარება ახლა წერა რიტუალის მნიშვნელობაზე, ნათლისღებაზე, რელიგიის საკრალურ და სოციალურ ასპექტებზე… გაივსო ეკლესია უმეცარი მქადაგებლებით, ბრიყვი, ვერცხლისმოყვარე და აგრესიული მღვდელმსახურებით, უნიჭო მხატვრებით… ესენი კიდევ რელიგიის რენესანსზე მებოდიალებიან რაღაცას! არ ვიცი, აქ რა აღორძინდა, შესაძლოა, შამანიზმს გულისხმობენ, მაგრამ დღითიდღე ვრწმუნდები: დღეს ოფიციალურ ეკლესიაზე დიდი მტერი ქრისტეს მოძღვრებას არა ჰყავს!
გილოცავთ ნათლისღებას.
წყარო: https://www.facebook.com/tsotne.gamsakhurdia/posts/413462128817004?pnref=story
The Tbilisi Times