პრემიერ-მინისტრის, გიორგი გახარიას თქმით, რაც უფრო მკაცრი და ეფექტური იქნება შეზღუდვები, მით უფრო სწრაფად გაიხსნება ონლაინვაჭრობა. ამ თემაზე პრემიერმა ბრიფინგზე ისაუბრა.
“ყველაფერი რაც დაკავშირებულია პირველად მოხმარებასთან, სასურსათო მაღაზიებთან და აფთიაქთან, სხვა დანარჩენი არის მეორეხარისხოვანი. ის, რისი ყიდვაც ადამიანს შეუძლია სასურსათო სუპერმარკეტში და აფთიაქში, სხვაგან სპეციალიზირებული სახით არ გვაინტერესებს, რადგან ჩვენი მიზანი ახლა ვაჭრობის და ბიზნესის წახალისება არაა. ჩვენი მიზანია მაქსიმალური შეზღუდვებით მოქალაქეები შევინარჩუნოთ სახლში”, — თქვა გიორგი გახარიამ.
პრემიერმა აღნიშნა, რომ ონლაინვაჭრობამ, მშენებლობამ თუ სუფთა სახლებმა 10 დღე, ორი კვირა “უნდა გაიჭირვონ” იმისთვის, რომ მაქსიმალურად სწრაფად გამოვიდეს ქვეყანა კრიზისიდან და არ მოხდეს ვირუსის გავრცელება.
