საჯარო გაძლიერების ინსიტუტის ორგანიზაებით ტარდება პირველი სტუდენტური ოლიმპიადა LOGICSER. რომელიც სტუდენტებს საშუალებას აძლევს მიიღონ სასწავლო გრანტი და სტიპენდიები.
ორგანიზატორების ინფორმაციით, ოლიმპიადაში მონაწილეობის მიღება შეუძლიათ სტუდენტებსა და აბიტურიენტებს. ოლიმპიადა მიზნად ისახავს ხელი შუწყოს სტუდენტებში ლოგიკური და ანალიტიკური აზროვნების განვითარებას. ასევე შექმნას შესაძლებლობა, რომ სტუდენტებმა გამოსცადონ საკუთარი ნიჭი და მიიღონ საერთაშორისო GRE-ის ტიპის ტესტებზე მუშაობის გამოცდილება.
ოლიმპიადა ჩატარდება 2 ეტაპად: პირველი ტური გაიმართება საქართველოს ყველა საუნივერსიტეტო ქლაქში. მეორე–ეროვნული ტური ჩატარდება თბილისში; სტუდენტებმა უნდა გადალახონ 60%–იანი ბარიერი იმისთვის, რომ მოხვდნენ მეორე, ფინალურ ტურში. ოლიმპიადის პარტნიორი არის საქართველოს ეროვნული უნივერსიტეტი. აბიტურიენტებისთვის ოლიმპიადის პირველი ტური გაიმართება სწორედ საქართველოს ეროვნულ უნივერსიტეტში.
„ოლიმპიადის გამარჯვებულებს გადაეცემათ საკამოდ სოლიდური პრიზები: საქართველოს მასშტაბით პირველ ადგილზ გასული მონაწილე მიიღებს 2250 ლარს! მეორე ადგილზე გასული მიიღებს 6 თვიან სტიპენდიას 150 ლარის ოდენობით; ხოლო მესამე ადგილზე გასული მონაწილე მიირებს 3 თვიან სტიპენდიას 3 თვის განმავლობაში; საუკეთესო ათეული საჩუქრად მიირებს პლანშეტებს, ხოლო საუკეთესო ასეულს დაუფინანსდება მონაწილეობა საგაზაფხულო სკოლაში, რომელიც გაიმართება ბაზალეთის ტრენინგ–ცენტრში,“ – განმარტავენ ორგანიზატორები.
ოლიმპიადაში რეგისტრაცია გრძელდება 5 აპრილის ჩათვლით. პირველი ტური გაიმართება 19 აპრილს, ხოლო მეორე ტური 26 აპრილს. ოლიმპიადას მხარს უჭერენ სხვადასხვა ცნობილი ადამიანები.
ოლიმპიადის ფარგლებში საქართველოს 10 უნივერსიტეტში ტარდება ე.წ. City Games, რომელსაც ორგანიზებას უწევს Eunday Entertinment–ის საორგანიზაციო ჯგუფი. თამაშებში გამარჯვებული გუნდის წევრები უფასოდ მიიღებენ მონაწილეობას პირველ სტუდენტურ ოლიმპიადაში და ასევე გადაეცემათ სხვადასხვა სახის პრიზები.
