„თბილისი თაიმსის“ მიერ გამოკითხული თითქმის ყველა ტურისტული კომპანია შიდა ტურებზე მოთხოვნის ნაკლებობას უჩიოდა, თუმცა გამოკითხული კომპანიები აცხადებენ, რომ ფასების მხრივ იგივე მდგომარეობაა როგორც გასულ წელს და პაკეტების ფასების ცვლილება არ ფიქსირდება.
გამოიკითხა: „მოგზაურთა კლუბი“ (კომპანიის შეფასებით, მისი წილი ადგილობრივ ბაზარზე 10-15%), „ელიტ ტური“ (წილი ვერ დაასახელეს თუმცა აღნიშნეს, რომ საქართველოში არსებული ტურისტული კომპანიების სიის ათეულში არიან რეიტინგით), „გოუ ტური“ ( კომპანია ახალია ბაზარზე თუმცა გეგმავენ 10-15% წილის დაკავებას) ინტერ ტური, ლიბერთი ტური, (წილი ვერ დაასახელეს).
შემცირებულია „მოგზაურთა კლუბიში“ შიდა ტურებზე მოთხოვნა, თუმცა მცირე ნაკადი შემოდის უკრაინიდან და რუსეთიდან, სადაც კახეთის, სვანეთის და ზღვის კურორტებია ძირითადად აქტუალური. „ელიტ ტურში“ ბალტიის პირეთის ქვეყნებიდანა არის მოთხოვნა, 1 დღიან ღვინის ტურებზე და ტაო-კლარჯეთზე. „ინტერ ტურის“ შიდა ტურებში აქტუალურია მცხეთა და 1 დღიანი ღვინის ტურები, შიდა ტურებზე მოთხოვნა ძირითადად არის სომხეთიდან, უკრაინიდან და რუსეთიდან.
„ლიბერთი ტურს“ ამ ეტაპზე არავინ შემოუყვანია. „გოუ ტურის“ შემთხვევაში მოთხოვნა შიდა ტურებზე – უკრაინიდან, რუსეთიდან, ისრაელიდან, ფიქსირდება. ძირითადად ითხივენ: სვანეთის, ხევსურეთის ტურებს, ასევე ინტერესი არის კახეთის რეგიონზეც.
რაც შეეხება ქართველი ტურისტების გაყვანას, გამოკითხულ ტირისტულ კომპანიებში ლიდერობს ორის კურორტი – ეგვიპტე და თურქეთი, რასაც კომპანიები შედარებით დაბალი ტარიფით ხსნინან. ევროპის ქვეყნებზე მოთხოვნა კი გამოკითხვამ აჩვენა, რომ უმნიშვნელოა.
27.05.13
ნინა პირტახია