რამდენიმე დღის წინ, თბილისის საკრებულოს იურიდიული კომისიის ხელმძღვანელმა თედო კობახიძემ განაცხადა, რომ მზადდება კანონ-პროექტი წამლებზე ქართული ანოტაციის დართვის შესახებ. აღნიშნულ განცხადებას მთავრობის სხდომის დაწყებამდე ჯანდაცვის მინისტრი დავით სერგეენკო გამოეხმაურა, მისი თქმით. წამლებზე ქართული ანოტაციის დართვის ვალდებულება დიდი ხანია არსებობს და ამაში რაიმე დამატებითი ხარჯები არ მოიაზრება.
როგორც სერგეენკომ ჟურნალისტებს განუცხადა, ეს კანონპროექტი არის ღია კარის მტვრევა და ნებისმიერ მომხმარებელს დღესაც ნებისმიერ აფთიაქში უპრობლემოდ შეუძლია მოითხოვოს წამლების ქართული ანოტაცია.
“უკვე დიდი ხანია არსებობს კანონში შესაბამისი პუნქთი, რომლის მიხედვითაც აფთიაქებს ქართული ანოტაციის გაცემის ვალდებულება აქვს,“ – განაცხადა დავით სერგეენკომ.
ასვე დღეს ჟუყრნალისტებთან საუბარში დავით სერგეენკო „ქამრების შემოჭერის“ პოლიტიკასაც შეეხო. მინისტრის თქმით შრომის, ჯანმრთელობისა და სოციალური დაცვის სამინისტრო წლის განმავლობაში 300 000 ლარის ფარგლებში დანაზოგს გააკეთებს.
როგორც სერგეენკომ აღნიშნა, მიუხედავად იმისა, რომ ჯანდაცვის სამინსიტროს მთლიანი ბიუჯეტი 2,7 მილიარდია, მისი აბსოლიტური უმრავლესობა არის სოციალური და ჯანდაცვითი პროექტი, საიდანაც ადმინისტრაციული ხარჯი არის სულ 7 მილიონი.
„ ჩვენ ამ ადმინისტრაციული ხარჯის შემცირებით პირველ ეტაპზე საწვავის ხარჯებს დავზოგავთ 70 000 ლარამდე. ჯამურად წლის განმავლობასი ეს დანაზოგი კი შეადგენს 300 000 ლარს. ხარჯის შემცირება ხელფასებს არ შეეხება“ – აცხადებს დავით სერგეენკო.
ასევე მთავრობის სხდომის დაწყებამდე შრომის, ჯანმრთელობისა და სოციალური დაცვის მინისტრმა განაცხადა, რომ საქართველო 15 აპრილიდან 24 აპრილის ჩათვლით, დონეცკის ოლქიდან 30 ბავშვს უმასპინძლებ.
“30 ბავშვი ჩამოგვყავს დონეცკის ოლქიდან, რომლებმაც რთული დღეები გაიარეს, ჩვენ მათ ვუმასპინძლებთ, ჩავუტარებთ ფსიქოლოგიურ რეაბილიტაციას”, – განაცხადა დავით სერგეენკომ და აღნიშნა, რომ ჰუმანიტარულ და სამედიცინო დარგში დახმარებას უკრაინისთვის საქართველო ყოველთვის გააგრძელებს“.
ნინა პირტახია
