რუსეთის ქმედებების საპირისპიროდ, დიდი ბრიტანეთი საქართველოს და აღმოსავლეთ ევროპის რამდენიმე ქვეყანას ფინანსურ დახმარებას გამოუყოფს.
ახალი ინიციატივის შესახებ დევიდ კემერონმა ევროკავშირის სამიტზე განაცხადა და აღმოსავლეთ ევროპის ქვეყნების მიმართ რუსეთის პოლიტიკა “დაშინების ტაქტიკად” შეაფასა.
დაფინანსება უკრაინაში განვითარებული მოვლენების ფონზე, აღმოსავლეთ ევროპის ოთხი ქვეყნისთვის 20 მილიონ ფუნტ სტერლინგს მოიცავს.
ის 2015 – 2016 წლების განმავლობაში საქართველოს, მოლდოვის, სერბეთის და ბოსნიის ფინანსურ დახმარებას ითვალისწინებს.