კამერის განათებისა და დიდი ზურგჩანთების შემდეგ, მსოფლიო მუზეუმებში ახალი საძულველი ნივთი გაჩნდა – სელფის გადასაღები ჯოხები.
გრძელი, გაჭიმული ჯოხები დამთვარიელებლებს უმარტივებს სელფის გადაღებას, ამათ პირდაპირ ცნობილი ფერწერული ნამუშევრისა და ქანდაკებების წინ, საკუთარი მობილური ტელეფონით, სელფის გადაღების საშუალება ეძლევათ.
sueddeutsche.de-ს ინფორმაციით, პარიზში, ვერსალის სასახლეში მეთვალყურეები სთხოვენ დამთვარიელებლებს სელფის ჯოხების შენახვას. დიდია რისკი სარკეების, ავეჯისა და ხელოვნების ნიმუშების დაზიანების. სულ მალე ოფიციალურ აკრძალვას მუზეუმები გაახმაურებენ. ბრიტანული ტელეგრაფის ცნობით, პომპიდუს ცენტრშიც ჯოხების აკრძალვას გეგმავენ. ლუვრშიც არსებობს შეშფოთება ამასთან დაკავშირებით.
გამოცემის ცნობით, პარიზი არ არის პირველი ქალაქი, რომლის მუზეუმები სელფის ჯოხების წინააღმდეგ გამოდიან. ამერიკული Smithsonian-ის მუზეუმები, რომელთა შორისაცაა ხელოვნების, ბუნებისა და ისტორიის მუზეუმები, მარტის თვეში საკუთარ აკრძალვას გაახმაურებენ, რაც შტატივებსაც შეეხება.
ვეებერთელა ნივთი, როგორიცაა სელფი-ჯოხი, არა მხოლოდ ექსპონატებს უქმნის საფრთხეს, არამედ სხვა დამთვარიელებლებისთვისაც საშიშია, განსაკუთრებით მაშინ, როდესაც დამთვარიელებელთა რიცხვი მუზეუმებში დიდია, – ნათქვამია Smithsonian-ის ინსტიტუტის პრესრელიზში.
თანამედროვე ხელოვნების მუზეუმებში (MoMA) ნიუ-ორკში და Getty Center-ი ლოს-ანჟელესში მხარს უჭერენ აკრძალვებს.
ბერლინის ეროვნულ მუზეუმში ჯოხები, ქოლგებთან ერთად ითვლება ‘‘დიდ და ბასრ ობიექტებად‘‘, რომელთა მუზეუმში შეტანა იკრძალება. ასევე დაუშვებელია სელფი-ჯოხების შეტანა ბავარიაში სახელმწიფო ნახატების კოლექციის მუზეუმში.
წყარო: sueddeutsche.de
მასალა მოამზადა
ნელი შავლაძემ
