პირადობის მოწმობის აღებას მოქალაქეები დღეიდან, ორი თვის განმავლობაში, უფასოდ შეძლებენ. ამის შესახებ დღეს, იუსტიციის სახლში გამართულ შეხვედრაზე გახდა ცნობილი. აქციის ფარგლებში მოქალაქეები ID ბარათის საფასურის, ფოტოსურათის გადაღებისა და ბანკის მოსაკრებლისგან გათავისუფლდებიან. როგორც სერვისების განვითრების სააგენტოში განმარტავენ, ეს პროცესი, მონაცემთა ბაზების დახვეწასა და საარჩევნო სიების სრულყოფას შეუწყობს ხელს. აქცია 20 ივნისის ჩათვლით გაგრძელდება.
