“მთავრობის შემადგენლობის განახლება მუდმივად ხდება”

საქართველოს პრემიერ-მინისტრი ირაკლი ღარიბაშვილი მთავრობის შემადგენლობაში ცვლილებას ჩვეულებრივ პროცესად მიიჩნევს. როგორც პრემიერმა რეგიონული განვითარებისა და ინფრასტრუქტურის მინისტრის დავით შავლიაშვილის გადადგომის გადაწყვეტილებაზე კომენტირებისას განაცხადა, მინისტრთა კაბინეტის განახლება მუდმივად ხდება.

“დღეს მქონდა გუნდის შიგნით კონსულტაციები და მინდა დაგიდასტუროთ, რომ ახალი მინისტი იქნება ნოდარ ჯავახიშვილი. ეს არის ჩვეულებრივი პროცესი. მთავრობის შემადგენლობის განახლება მუდმივად ხდება. მოგეხსენებათ, რომ ბოლო 2 წლის განმავლობაში რამდენიმე მინისტრი შეიცვალა. ასე რომ, ეს არის ჩვეულებრივი პროცესი. გული დამწყდა, რომ დავით შავლიაშვილი წავიდა, მაგრამ არაფერი შეიცვლება. ის პროექტი, რომლებიც უწყებას დაწყებული ჰქონდა, გაგრძელდება”, – განაცხადა ღარიბაშვილმა.