“ქუთაისში მდებარე მთავრობის სახლთან დაკავშირებით არანაირი პოზიცია არ მაქვს, ალბათ, ეს შენობა უნდა გაიყიდოს,” – ეს განცხადება პრემიერმინისტრმა ირაკლი ღარიბაშვილმა ჟურნალისტებთან საუბრისას გააკეთა.
მისი თქმით, ეს საკითხი ჯერ დღის წესრიგში არ დამდგარა. რაც შეეხება ქუთაისში მდებარე პარლამენტის შენობას, ღარიბაშვილი ამბობს, რომ ცდილობს, “ამ შენობას ფუნქცია მოუძებნოს”.
“ჩვენ ვცდილობთ, მოვუძებნოთ ფუნქცია ქუთაისში მდებარე პარლამენტის შენობას, რომელიც 350 მილიონი დაჯდა და მთავრობის სახლს, რომელიც 80 მილიონი დაჯდა. რა საჭირო იყო ეს შენობები ქუთაისში, არ ვიცი, როცა სხვა მნიშვნელოვანი პროექტები იყო განსახორციელებელი. მთავრობის სახლთან დაკავშირებით არანაირი პოზიცია არ მაქვს, ალბათ, ეს შენობა უნდა გაიყიდოს,” – განაცხადა ირაკლი ღარიბაშვილმა.
