Express Bank-ი განაგრძობს სერვისცენტრების ქსელის გაფართოვებას ქვეყნის მასშტაბით. როგორც “თბილისი თაიმსს” “საქართველოს ბანკიდან აცნობეს” , დღეს სამ სხვადასხვა რეგიონში ერთდროულად, 3 ახალი Express Bank-ის სერვისცენტრი გაიხსნა. მათივე ინფორმაციით, ახალი Express Bank-ი მომხმარებელს სამტრედიაში რუსთაველის ქ.23, სენაკში რუსთაველის ქ.184 და ზუგდიდში გამსახურდიას ქ.30 მოემსახურება. ახალ Express Bank-ის სერვისცენტრებში მომხმარებელს საშუალება ექნება მარტივად შეასრულოს ნებისმიერი სტანდარტული ტიპის საბანკო ოპერაცია, ასევე ისარგებლოს Express სესხით და Express ანაბრით. ქვეყნის მასშტაბით “საქართველოს ბანკის” ახლა, უკვე 94 Express Bank-ის სერვისცენტრი მოქმედებს.