“მაჟორიტარი დეპუტატები თვითმმართველობების პრობლემად არ უნდა იქცნენ,”- ეს განცხადება საქართველოს პარლამენტის თავმჯდომარემ დავით უსუფაშვილმა ბიუროს სხდომაზე გააკეთა.
პარლამენტის თავმდჯომარე ამ განცხადებით გამოეხმაურა გურჯაანში განვითარებულ მოვლენებს. უსუფაშვილი ფიქრობს, რომ ადგილი აქვს კანონის დარღვევას. როგორც პარლამენტის თავმჯდომარე აღნიშნავს მაჟორიტარი დეპუტატები მუნიციპალიტეტში უსასყიდლოდ იკავებენ ფართს მაშინ, როდესაც პარლამენტი მათი ბიუროებისათვის თანხას გამოჰყოფს.
“ირკვევა, რომ ძალიან ბევრ ადგილზე შენობა-ნაგებობები პარლამენტის მაჟორიტარი წევრებისათვის უსასყიდლო უზურფრუქტის წესით არის გადაცემული. ეს მაშინ, როცა თვითმმართველობისთვის ბიუჯეტის ყოველი თეთრი არის ძალიან მნიშველოვანი და ჩვენ, პარლამენტის წევრებს პარლამენტის მიერ გამოყოფილი გვაქვს საკმარისი თანხა იმისთვის, რომ ვიქირაოთ შენობები საკუთარი ბიუროების განთავსებისთვის. ეს თვითმმართველობის ტვირთი არ უნდა იყოს”, – განაცხადა უსუფაშვილმა პარლამენტის ბიუროს სხდომაზე.
