საქართველოს საგარეო საქმეთა სამინისტროში, გაიმართა პოლიტიკური კონსულტაციების მორიგი რაუნდი საქართველოსა და ესპანეთის სამეფოს საგარეო უწყებებს შორის. როგორც “თბილისი თაიმსს” საგარეო უწყებიდან აცნობეს, კონსულტაციებს, ქართული მხრიდან ხელმძღვანელობდა საქართველოს საგარეო საქმეთა მინისტრის მოადგილე გიგი გიგიაძე, ხოლო ესპანური მხრიდან ესპანეთის საგარეო საქმეთა სამინისტროს საგარეო პოლიტიკისა და უსაფრთხოების გენერალური დირექტორი ენრიკე მორა. შეხვედრაზე მხარეებმა განიხილეს ორმხრივი და მრავალმხრივი თანამშრომლობის ფართო სპექტრი. განსაკუთრებული ყურადღება დაეთმო ქვეყნებს შორის სავაჭრო-ეკონომიკური ურთიერთობების გაღრმავებას, ასევე, თავდაცვის, ტურიზმის, სოფლის მეურნეობის, კულტურისა და საგანმანათლებლო სფეროებში თანამშრომლობის სამომავლო განვითარების პერსპექტივებს. საუბარი ასევე შეეხო საქართველოსა და ევროკავშირს შორის გაფორმებულ ასოცირების შეთანხმების მნიშვნელობასა და მის შემდგომ ეფექტიან იმპლემენტაციას. გამოითქვა იმედი, რომ ესპანური მხარე ახლო მომავალში მოახდენს შეთანხმების რატიფიცირებას. მხარეებმა განიხილეს რეგიონალური უსაფრთხოების საკითხები, საქართველო-რუსეთის ურთიერთობები, ოკუპირებულ ტერიტორიებზე არსებული ვითარება და ჟენევის მოლაპარაკებათაფორმატი. შეხვედრაზე ესპანურმა მხარემ კიდევ ერთხელ დაადასტურა საქართველოს სუვერენიტეტისა დატერიტორიული მთლიანობის მხარდაჭერა. ვიზიტის ფარგლებში, ესპანეთის დელეგაციამ შეხვედრა გამართა საქართველოს ევროპულ და ევროატლანტიკურ სტრუქტურებში ინტეგრაციის საკითხებში სახელმწიფო მინისტრის მოადგილესთან არჩილ ყარაულაშვილთან.