ცალსახაა, რომ სულიერი სიმშვიდის, წონასწორობის შენარჩუნება და ცხოვრებისეულ პრობლემებთან შებრძოლება ერთდროულად ძალიან რთულია. მიუხედავად ამ ყველაფრისა, ადამიანთა გარკვეული კატეგორია ცდილობს,რომ ეს ყოველივე ჰარმონიაში მოიყვანოს.
თუ დავუშვებთ,რომ ორი ერთმანეთის მსგავსი ადამიანი არ არსებობს დედამიწაზე, მაშინ მოგვიწევს იმის აღიარებაც, რომ ინდივიდუალური გამოცდილების გაზიარება უსარგებლოა. thespiritscience.net-ის ჟურნალისტი და დასავლეთში ცნობილი ბლოგერი Steven Bancarz-ი კი სხვაგვარ დაშვებას გვთავაზობს. მისი აზრით, ადამიანებს საერთო ის გზას, რომლითაც ისინი სულიერ სიმშვიდეს აღწევენ.
რა არის შეჩვევა? – ჩვევა ეს პიროვნების უნარია კარგად შეასრულოს მიზანდასახული მოქმედებები მათზე ყურადღების სპეციალურად ფოკუსირების გარეშე, მაგრამ ცნობიერების კონტროლის ქვეშ. ფსიქოლოგები განასხვავებენ სხვადასხვა სახის ჩვევას. მაგრამ მათი საერთო არის ის,რომ ისინი ყალიბდება ათვისებული ცოდნის საფუძველზე, შესრულების პროცესში.
მსოფლიოში ძალიან ბევრი ადამიანია, რომელიც გარკვეული ცოდნისა და გამოცდილების საფუძველზე ახერხებს მიაღწიოს სულიერი სიმშვიდისა და წონასწორობის ისეთ ეტაპებს, რომელთან მიღწევაც სხვა ადამიანებს უჭირთ. რაც ყველაზე მთავარია მათ ეს ჩვევები შერწყმული აქვთ ყოველდღიურობასთან ისე, რომ ხელი არ ეშლებათ იყვნენ სამსახურში უფროსები, მოუარონ შვილებს და შეებრძოლონ სტრესს.
სოციალურ სივრცეში ,ყოველდღიურად, ვაწყდებით სხვადასხვა რჩევას იმაზე თუ,როგორ ვიცხოვროთ, როგორ ავიტანოთ ტკივილი, როგორ ვიყოთ ბედნიერნი და ა.შ. ვხვდებით ცნობილი მწერლებისა და პოეტების ფრაზებს, მართალია – ისინი აღგვაფრთოვანებს, მოგვწონს მაგრამ მათი რეალიზება პრაქტიკაში უმეტესობას უჭირს.
რა არის ამის მიზეზი? – ფსიქოლოგებისთვის ეს რთულ კითხვას არ წარმოადგენს. ჩვენი ცხოვრების გაუმჯობესება შეგვიძლია მხოლოდ ჩვენ. უნდა ჩავუღრმავდეთ საკუთარ თავს და მასში აღმოვაჩენთ რჩევების,ჩვევებისა და თუ ლამაზი ფრაზების მთელ კასკადს. მთავარია საკუთარ თავს მოვუსმინოთ. ქვემოთ კი ვისაუბრებთ იმ ადამიანების ჩვევებზე, რომელთაც შეძლეს და გაბედეს ებრძოლათ სულიერი სიმშვიდისთვისა და მოესმინათ საკუთარი თავისთვის.
1. ასეთი ადამიანები ხშირად მიმართავენ იოგას. იოგას მედიტაცია საშუალებას აძლევთ მათ შეაღწიონ საკუთარ სამყაროში, მიიღონ ენერგიის წყარო, რომელიც ყოველდღიურ სტრესთან საბრძოლველად ნამდვილად საჭიროა.
ალბათ, გეუცნაურებათ როდესაც დაინახავთ ადამიანს პარკში, ავტობუსში ან თუნდაც სამსახურში იოგას მედიტაციის პროცესში, მაგრამ მათთვის ამაში უცნაური არაფერია, პირიქით, სწორედ ამ ვარჯიშის საშუალებით გამოდიან იმ წუთებში დაღლილობისგან და უარყოფითი ემოციებისგან.
2. ადამიანთა კატეგორიას გაწონასწორებისთვის სჭირდება ჯანმრთელი საკვები.ასეთი ადამიანების ჩვევას სწორედ განსხვავებული კვების რაციონი წარმოადგენს. მათში შეშფოთებას იწვევს გენმოდიფიცირებული საკვები, სხვადასხვა ჯანმრთელობისთვის საშიში პესტიციდები და ცხოველების განადგურება მათი საკვებად მიღების მიზნით. უკვე ნათელია, რომ ამ კატეგორიაში ძირითადად ვეგეტარიანელები არიან, რთულია გადმოსცე საკვების რაციონით მიღებული სულიერი მდგომარეობა მაგრამ ისინი აღნიშნავენ,რომ მათი ცხოვრება ხორცეულის გარეშე ბევრად უკეთესია.
3. ამ კატეგორიის ადამიანები მოკლედ შეგვიძლია დავახასიათოთ. ისინი „დედამიწაზე მზრუნველები“ არიან. მათი ყოველდღიურობა და სულიერი სიმშვიდე უკავშირდება გარემოს დაცვას, ბიოდეგრადაციაში ხელის შეწყობას. ისინი სხვადასხვა ორგანიზაციის წევრები არიან და მოითხოვენ გარემოსდაცვითი პოლიტიკის გააქტიურებას საკუთარ ქვეყნებში. მათთვის ყოველდღიურობას წარმოადგენს მაგალითისთვის, ხის დარგვა. ფიქრობენ,რომ სულიერი სამყარო და ბედნიერების მიღწევა დაკავშირებულია დედამიწასთან, რომელსაც გაფრთხილება სჭირდება. ამ კატეგორიის ადამიანები ასაქმებენ საკუთარ თავს და ავალდებულებენ დღეში მინიმუმ ერთი კარგი საქმის გაკეთებას დედამიწისთვის.
4. შემდეგი კატეგორია ნამდვილად უცნაურია, ამ ადამიანების ჩვევას არც მეტი და არც ნაკლები მადლიერების გრძნობა წარმოადგენს. მორწმუნეები მადლიერები არიან ღმერთის, დანარჩენები – სამყაროსი. მადლიერები არიან იმისთვის,რომ ხედავენ მზეს, მთვარეს, იკვებებიან და შეუძლიათ მიანიჭონ სხვებს ბედნიერებას.
უცნაურ მაგრამ რთულად მისაღწევ კატეგორიაში ადამიანებს გაანალიზებული აქვთ სიკეთის არსი. ის დაკავშირებულია მადლიერების გრძნობასთან, მათ სურთ რომ მეტი სიკეთე ჩაიდინონ, რათა „მადლიერმა სხვებმაც“ იგრძნონ ის სიმშვიდე, რასაც ისინი გრძნობენ. ზოგიერთი მათგანი ფიქრობს,რომ სიკეთის კეთებაზე უკეთესი შეგრძნებაა სხვამ გაგიკეთოს სიკეთე.
5. მეხუთე ჩვევა ალბათ,ბევრი თქვენგანისთვის უკვე ნაცნობია. ის ძვირაფს ან ნახევრადძვირფასი ქვების ტარებას უკავშირდება. ადამიანთა უმრავლესობა საკუთარი ჩანთით ან საფულით დაატარებს ისეთ გეოდეზურ ქვებს,როგორიცაა მაგალითად ამეთისტვო. მიჩნეულია, რომ ეს ქვები და კრისტალები მუშაობის დროს ენერგიას აძლევს ადამიანს ან უარყოფით ძალებს განდევნის. მათთვის კი, ვისთვისაც ეს სასაცილოა ვეტყვით, რომ დიდი ხანია მეცნიერები ამ ქვების ფიზიკური თვისებების მიღმა „ამოუცნობ ძალებს“ ეძებენ.
6. ბევრი სულიერად გაწონასწორებული და მშვიდი ადამიანი თვლის, რომ ტელევიზორი და გართობის მიზნით ინტერნეტში ყოფნა არის დროის სრულიად კარგვა. ჩვენი ისედაც ცოტა დრო ბევრად უფრო უკეთესს იმსახურებს ჩვენგან! – „დროის კარგვა“ კარგია მაგალითად კითხვის დროს, გამოფენებზე სასიარულოდ, ლაშქრობებისას. ეს ადამიანები თვლიან,რომ ჩვევა – „იყო გადაჩვეული ტელევიზორის ყურებას“ შესანიშნავია, ის მანქანაა,რომელიც ადამიანებში შიშსა და აგრესიას აღვიძებს. ამიტომ მათ ტელევიზორებიც კი არ აქვთ სახლებში.
7. Stay positive! – ბევრს ძალიან უნდა იყოს მუდამ პოზიტიურად მაგრამ ეს ისეთივე რთული მისაღწევია,როგორც ცხოვრება შეცდომების გარეშე. ამიტომ, მთავარია შეცდომა მაშინ არ დავუშვათ, როდესაც არჩევანის გაკეთება პოზიტივსა და ნეგატივს შორის გვიწევს. ეს არ ნიშნავს იმას,რომ ამ კატეგორიაში გაერთიანებულ ადამიანებს „ცუდი დღეები“ არ აქვთ, ისინი უბრალოდ ახერხებენ ნეგატივიდან გამოსვლას და სხვების გამხიარულებას. პოზიტივი კი, რომელსაც გავცემთ აუცილებლად უნდა დაგვიბრუნდეს უკან. იმ შემთხვევაში თუ ეს არ მოხდება გული არ დაგვწყდეს, მთავარია ჩვენ ვიყოთ საკუთარი თავით კმაყოფილნი, ეს კი პირდაპირი გზაა სულიერი სიმშვიდისკენ.
8. საინტერესოა, როგორ ცხოვრობენ ის ადამიანები, რომელთაც შემდეგი ჩვევა აქვთ. ეს ალბათ ბევრისთვის საკამათო თემაც გახდება, რადგან 21-ე საუკუნეში იცხოვრო კონკურენციის პირობებში ისე, თითქოს არავის ეჯიბრები ნამდვილად რთულია. ასეთი ადამიანები ფიქრობენ, რომ სულიერი სიმშვიდე ბევრად უფრო მნიშვნელოვანია, ვიდრე გამარჯვების შეგრძნება ან მუდმივი რუტინა. მათთვის ეს სიზარმაცესთან ან კონფორმიზმთან არ ასოცირდება, პირიქით, თვლიან რომ ბევრად უფრო რთულია იცხოვრო „ერთად“ ერთი მიზნისკენ, ვიდრე ცალ-ცალკე და შეჯიბრებითობის პრინციპით.
9. ამ კატეგორიის უკეთ საილუსტრაციოდ შეგიძლიათ გაიხსენოთ ყველა ის უცნაური ადამიანი,რომელიც ოდესმე შეგხვედრიათ. ოღონდ, „უცნაურობის“ შეგრძნება ამ შემთხვევაში პოზიტიურად უნდა აღვიქვათ. ასეთი ადამიანები, ხშირად საუბრის დამთავრებისას ან ემაილის ბოლოს გვწერენ: „ნამასტე“, „სიყვარული და სინათლე შენსკენ“ და ა.შ. ეს სპეციალური ფრაზები ყველა მათგანს აერთიანებს, ჩვენ კი გვაღიმებს და მიგვახვედრებს, რომ ისინი საკუთარ ემოციებს სწორედ ასე გადმოსცემენ. ძალიან კარგია თუ თქვენც გექნებათ ასეთი ფრაზები და მათ ხშირად გაიმეორებთ!
10. და ბოლოს, მშვიდი და გაწონასწორებული ადამიანების ჩვევას წარმოადგენს ის, რომ ისინი იშვიათად სვამენ ალკოჰოლურ სასმელებსა და არ იღებენ ნარკოტიკულ საშუალებებს. თუ სხვები დამღლელი სამუშაო კვირის შემდეგ კლუბებსა და ბარებში ერთობიან, ამ კატეგორიის ადამიანები მედიტაციას, პიკნიკსა და მაგალითად, მეგობრებთან ერთად ჩაის სმას ამჯობინებენ. ამასთანავე, ეცნობიან სხვადასხვა კულტურას, ინტერესდებიან ტრადიციებითა და მათ საინტერესო ექსპერიმენტების საშუალებით „უთავსებენ საკუთარ სამყაროს“.
დასასრულისთვის უნდა ითქვას, რომ ალბათ, ზოგიერთმა მკითხველმა უკვე აღმოაჩინა საკუთარი თავი ამ კატეგორიებში, რაც ძალიან კარგია. ასევე საჭიროა გავამახვილოთ ყურადღება იმაზეც, რომ ეს ძალიან მცირე რაოდენობაა იმ გზების, რითიც შეიძლება მივაღწიოთ ადამიანებმა სიმშვიდეს.
სიმშვიდე აუცილებლად უნდა იყოს ჩვენი ცხოვრების თანამგზავრი. რა არის ცხოვრება და რატომ გვჭირდება ის თანამგზავრად? – ჩვენ გვყავს შვილები, გვიყვარდება ადამიანები და ვართ ბედნიერები მაგრამ გვეღუპებიან ახლობლები, გვენგრევა ოცნებები და გვიცრუვდება იმედებიც.
ესაა ცხოვრება, რომელზეც ამბობენ,რომ მშვენიერია და გვიწინასწარმეტყველებენ, რომ ყველაფერი კარგად იქნება, მაგრამ არავინ იცის ეს ლამაზი სამყარო ვის,რას მოუტანს.
ამიტომ, სიხარულს თუ მწუხარებას ყოველთვის მზად უნდა შევხვდეთ, სულიერად გაძლიერებულები და არა ისე, როგორც თითოეული ჩვენგანი პატარაობისას, როდესაც პირველად შევეჩეხეთ სიკვდილს, როგორც მოვლენას.
სიკვდილზე ფიქრს კი ადამიანები შეცდომაში შეჰყავს, ის გვაიძულებს დავივიწყოთ ცხოვრება. ჩვენ კი არ უნდა მივცეთ ნეგატივს იმის საშუალება,რომ გვშთანთქას. ცხოვრება ბევრად უფრო ლამაზი და ხანმოკლეა, ვიდრე გვგონია ამიტომ, მას უფრო მეტი დრო უნდა დავუთმოთ.
წყარო: thespiritscience.net
თემაზე მუშაობდნენ:
ნათია კეკენაძე
გიორგი მიქანაძე
Discussion about this post