NDI-ის და IRI-ის გამოკითხვებს საზოგადოება უნდობლობას უცხადებს! გუშინ „ეროვნულ – დემოკრატიულმა ინსტიტუტმა“ NDI-იმ საზოგადოებრივი აზრის კვლევის შედეგი გამოაქვეყნა.
შეგახსენებთ, რომ მსგავსი კვლევა ერთი თვის წინ, საერთაშორისო რესპუბლიკურმა ინსტიტუტმა IRI-მაც გამოაქვეყნა. 
კვლევებს აღნიშნული ორგანიზაციები, ჩვენს ქვეყანაში, პოლიტიკურად და საზოგადოებრივად აქტიურ, სოციალურ თემებზე ხშირად ატარებენ. კვლევების შედეგად პოლიტიკური პარტიების, მათი ლიდერების, ხელისუფლების წარმომადგენლების და ა.შ. რეიტინგი დგინდება.
დღეს სოციალური ქსელი სწორედ ამ ორგანიზაციების NDI-ის და IRI კრიტიკით გამოირჩევა. მოქალაქეები აქტიურად აზიარებენ მოსაზრებას და მეგობრებს მოუწოდებენ დააფიქსირონ პოზიცია, მიუღიათ თუ არა ამ ორგანიზაციების მიერ განხორციელებულ კვლევებში მონაწილეობა. საგულისხმოა, რომ მასიურად ამ კითხვაზე პასუხი აშკარად უნდობლობის პათოსით უარყოფითი „არა“ ფიქსირდება. იმდენად აქტიური არიან სოციალურ ქსელში მოქალაქეები, რომ მათი ოჯახის წევრების პოზიციებსაც კი აფიქსირებენ. ჩნდება კითხვის ნიშანი და ეჭვის ქვეშ დგება ამ ორგანიზაციების მიერ გამოქვეყნებული გამოკითხვების შეგედების სანდოობა.
სოციალურ ქსელში გაზიარებები ამ ტექსტით ვრცელდება
თუმცა, საგულისხმოა ასევე, რომ აღნიშნული კვლევების შედეგებს, რომელთა უკანაც ეს სახელოვანი ორგანიზაციები დგანან, ძალიან ბევრი ადამიანი თუ ორგანიზაცია აქცევს ყურადღებას, როგორც ქვეყნის შიგნით, ისე ქვეყნის ფარგლებს გარეთ. სოციალურ ქსელში ჩნდება კითხვები თუ „ვინ ადგენს ჩვენი ქვეყნის პოლიტიკისა და პოლიტიკოსების რეიტინგებს?“ „რამდენად ახლოსაა ამ გამოკითხვის შედეგები რეალობასთან?“ „ვინ დგას ამ გამოკითხვების უკან?“ „ვის ეკითხებიან აზრს…?“ „ვინ არის პასუხისმგებელი შედეგებშე?“ და ა.შ.
ინფორმაციისთვის: დემოკრატიულმა ინსტიტუტ – NDI-ის კვლევებს აფინანსებს შვედეთის საერთაშორისო განვითარების და თანამშრომლობის სააგენტო (Sida) და კვლევებს ახორციელებს CRRC-საქართველო. CRRC -საქართველო არის არასამთავრობო, არაკომერციული კვლევითი ცენტრი, რომელიც დაარსდა 2003 წელს საქართველოში და მართავენ ქართველები. ის აგროვებს, აანალიზებს და აქვეყნებს მონაცემებს ქვეყანაში მიმდინარე პოლიტიკური და სოციალური პროცესების შესახებ.
საერთაშორისო რესპუბლიკური ინსტიტუტის – IRI არის ამერიკული არაკომერციული, არაპარტიული ორგანიზაცია, რომელიც დაფუძნდა 1983 წელს.
ნინო გაჩეჩილაძე
