“რაც უფრო მეტი გვეცოდინება ერთმანეთზე, მით უფრო ვიქნებით დარწმუნებული იმაში, რომ თანამშრომლობა გამართლებულია”

“ევროკავშირს აქვს ძალიან ბევრი შესაძლებლობები და ძალიან ბევრი შანსები. შესაბამისად ეს ძალიან კარგ პასუხს იძლევა გლობალიზაციაზე და მის გამოწვევებზე. აქედან გამომდინარე, საქართველოსთვის, სხვა ქვეყნებისთვის, რომლებიც ევროპის სამხრეთ რეგიონში არიან,  ევროკავშირთან ურთიერთობა ძალიან ბევრი ძალიან ბევრი ეკონომიკური თუ პოლიტიკური შესაძლებლობების მომცემი იქნება. მაგრამ ჩვენ ასევე ძალიან ვართ დაინტერესებული ორმხრივი ურთიერთობის განვითარებით. ერთის მხრივ, ვლაპარაკობთ საქართველო-ევროკავშირის და მეორე მხრივ ვლაპარაკობთ საქართველოსა და ავსტრიას შორის ურთიერთობაზე, აქედან გამომდინარე, ძალიან ბევრი შესაძლებლობები არსებობს, რომ განვითარდეს ორმხრივი ვაჭრობა. ეს სავაჭრო ურთიერთობები ბოლო ათი წლის განმავლობაში იზრდება, მაგრამ არასაკმარისად და მინდა გითხრათ, რომ ეს ზრდის მაჩვენებელი არ არის ერთი სტაბილური ხაზით. იყო აღმასვლები, მერე დაღმასვლები და კვლავ არის ძალიან ბევრი შესაძლებლობები გავააქტიუროთ და გავაძლიეროთ ეს ურთიერთობები”, – განაცხადა ჰაინც ფიშერმა.

ავსტრიის პრეზიდენტმა ასევე აღნიშნა, რომ მის ქვეყანას საქართველოში კარგად იცნობენ, ისევე როგორც საქართველოს იცნობენ ავსტრიაში.

“ავსტრიაში არის გარკვეული სფეროები, მიმართულებები, სადაც ჩვენ ვართ ლიდერები მსოფლიო ბაზარზე. სამწუხაროდ არ მაქვს საკმარისი დრო დეტალურად ვილაპარაკო ამაზე, მაგრამ ისეთი შეხვედრები, როგორიცაა ჩვენი დღევანდელი შეხვედრა ბრწყინვალე შესაძლკებლობაა, რომ უფრო დეტალური ინფორმაცია მივიღოთ ამ ყველაფრზე. მივმართავ ბიზნეს საზოგადოებას, ასევე ხელისუფლებას და მოგიწოდებთ, რომ უფრო მეტად გავაქტიურდეთ. რაც უფრო მეტი გვეცოდინება ერთმანეთზე, მით უფრო ვიქნებით დაჯერებული და დარწმუნებული იმაში, რომ თანამშრომლობა გამართლებულია, შესაძლებელია და განხორციელებადია. ეს თანამშრომლობა ოროვე მხარეს მისცემს სარგებელს და უპირატესობას. იმ შემთხვევაში თუ ქვეყნებს შორის თანამშრომლობა გაძლიერდება და განმტკიცდება ყველა მხარე მომგებიან პოზიციაში იქნება. ჩვენ ძალიან მრავალი შესაძლებლობა გვაქვს სამომავლო ურთიერთობის გასავითარებლად”, – განაცხადა ჰაინც ფიშერმა.