ხვალ, 13:00 საათზე თბილისში (,,თბილისი მოლში”), პირველად ქართული კარატეს ისტორიაში სტარტს იღებს ქართული სუპერლიგის გათამაშება კარატეში.
აღნიშნულ ჩემპიონატში გათამაშდება საპრიზო ფონდი და ტურები ჩატარდება ყოველ 3 თვეში ერთხელ. პირველ ტურში მონაწილეობას მიიღებენ უფროსი (სენიორები) ასაკის საუკეთესო ვაჟი სპორტსმენები, 8 კაცის შემადგენლობით -68კგ. კატეგორიაში.
მომდევნო ტურები ჩატარდება ასევე უფროსი ასაკის ვაჟ სპორტსმენებს შორის შესაბამისად -78კგ. და +78კგ. წონით კატეგორიებში.
ქართული სუპერლიგის გათამაშება დაგეგმილია ასევე კადეტი და იუნიორი სპორტსმენებს შოტის, როგორც ვაჟებში ასევე გოგონებში).
პირველივე ჯერზე საქართველოს კარატეს ვარსკვლავები იასპარეზებენ აღნიშნულ; წონით კატეგორიებში. ეს იქნება სენსაცია კარატეს სამყაროში – უგულშემატკივრეთ თქვენს ფავორიტებს!
პირველ ტურში მოასპარეზე სპორტსმენები;
,,ა” ჯგუფი ,,ბ” ჯგუფი
1) ტყებუჩავა ირაკლი; 1) ტყებუჩავა დავით;
2) შერმადინი გიორგი; 2) ქობალია ნიკოლოზ;
3) ჩხაიძე ნიკა; 3) თათრიშვილი გიორგი:
4) ჯიქია გიორგი; 4) პატარიძე დავით;
ასპარეზობა გაიმართება წრიული სისტემით და ორი საუკეთესო სპორტსმენი გადავა ჯგუფიდან ნახევარფინალში, სადაც ,,ა” ჯგუფში პირველ ადგილზე გასული სპორტსმენი შეხვდება ,,ბ” ჯგუფში მე-2 ადგილზე გასულს და ,,ა” ჯგუფში მე-2 ადგილზე გასული სპორტსმენი შეხვდება ,,ბ” ჯგუფში პირველ ადგილზე გასულს. ნახევარფინალურ ორთაბრძოლებში დამარცხებულები გაითამაშებენ მე-3 ადგილს, ხოლო გამარჯვებულები შეხვდებიან ფინალურ ორთაბრძოლაში.
საშეჯიბრო სისტემაც საკმაოდ საინტერესოდაა შექმნილი და მაყურებლისთვისაც სასიამოვნო და აზარტული იქნება აღნიშნული ორთაბრძოლები.
საპრიზო ფონდი:
პიველი ადგილი – 500 აშშ დოლარი;
მე-2 ადგილი – 300 აშშ დოლარი;
მე-3 ადგილი – 200 აშშ დოლარი;
სუპერლიგის გათამაშებაზე სპორტსმენებს დაერიცხებათ სარეიტინგო ქულები, რაც მათი სპორტული კარიერის მომავალზე აისახება.
ნუგზარ ჭიაბერაშვილი,
საქართველოს კარატეს ეროვნული ფედერაციის პრესმდივანი