მტკვრის მარჯვენა სანაპირო უკვე გახსნილია. ქალაქის სატრანსპორტო კვანძი – გმირთა მოედანზე კი ტრანსპორტის მოძრაობა ორ დღიანი პარალიზების შემდეგ – სულ მალე უნდა აღდგეს. მოძრაობა ამ ეტაპზე აქ სამი მიმართულებით იქნება შესაძლებელი.
ეტაპობრივად დაიწყება გმირთა მოედნის დატვირთვა. როგორც მერიაში და საპატრულო პოლიციაში აცხადებენ, უახლოეს მომავალში აღდგება მოძრაობა კოსტავას ქუჩის სამი მიმართულებით, ასევე თამარ მეფის გამზირიდან გმირთა მოედნის მიმართულებით. ხოლო, პირველ ეტაპზე ვარაზის ხევის მიმართულებით შესაძლებელი იქნება მუნიციპალური ტრანსპორტით გადაადგილება.
დედაქალაქში მოძრაობის ნაწილობრივ აღდგენის მიუხედავად, საპატრულო პოლიცია კვლავ ძალაში ტოვებს შეზღუდვას აუცილებელი საჭიროების გარდა, გადაადგილებისგან თავის შეკავების შესახებ.