2014-2017 წლებში ჯანდაცვის ბიუჯეტი ისევ სოციალურ სფეროზე იქნება ორიენტირებული. ამის შესახებ დღეს, დღეს ჯანდაცვის მინისტრის მოადგილემ, დავით ლომიძემ სამთავრობო და არასამთავრობო სტრუქტურების ერთობლივ სამუშაო შეხვედრაზე განაცხადა.
ლომიძის განმარტებით, მომდევნო წლებშიც ჯანდაცვის ბიუჯეტი სიღარიბის შემცირებაზე, საპენსიო რეფორმაზე და შშმპ, ვეტერან და მარჩენალდაკარგულთა დახმარებაზე იქნება ორიენტირებული.
შეხვედრა, რომელზეც 2014 წლის ძირითადი მიმართულებებისა და პრიორიტეტების განხილვა უნდა მოხდეს, საქართველოს პარლამენტის ჯანმრთელობის დაცვის და სოციალურ საკითხთა კომიტეტმა, საფინანსო-საბიუჯეტო კომიტეტთან ერთად, გაეროს განვითარების პროგრამის (UNDP) მხარდაჭერით იმართება.
შეხვედრის მიზანი სოციალური დაცვის სფეროში სამინისტროს 2014 წლის ძირითადი მიმართულებებისა და პრიორიტეტების გაცნობა, დაგეგმილი პროგრამების, მათი მიღწევის გზების, ხარჯების შესახებ ინფორმაციის მიღებაა.
როგორც შეხვედრის ორგანიზატორები აცხადებენ, ერთ-დღიანი განხილვა ასეთი ფორმატით, ხელს შეუწყობს საბიუჯეტო პროცესის ეფექტიანად წარმართვას
19.06.13