ერთ-ერთ აქტუალურ პრობლემას წარმოადგენს ქალაქის სისუფთავე. რა ღონისძიებები ტარდება ამ პრობლემის აღმოსაფხვრელად? რა სახის სამუშაოები ტარდება? ამ და სხვა საინტერესო საკითხზე „თბილისი თაიმსს“ შპს “თბილსერვის ჯგუფის” პიარ-მენეჯერი ეკატერინე კოჭლამაზაშვილი ესაუბრა.
როდის და როგორ გაჩნდა იდეა შექმნილიყო თბილსერვის ჯგუფი?
– ქალაქ თბილისის მუნიციპალიტეტში ნარჩენების მართვის პრობლემის აღმოსაფხვრელად 2006 წლის 16 დეკემბერს ქ. თბილისის მერიის მიერ დაფუძნებული იქნა შ.პ.ს „თბილსერვის ჯგუფი“.
რამდენი ხანია რაც ფუნქციონირებს თბილსერვის ჯგუფი?
– შპს „თბილსერვის ჯგუფი“ 2006 წლის 18 დეკემრიდან ფუნქციონირებს.
რამდენკაციანი ჯგუფისგან შედგება ორგანიზაცია?
– ქალაქის სისუფთავეზე “თბილსერვის ჯგუფი”- ს 3 907 თანამშრომელი ზრუნავს, განთავსებულია 18 265 ცალი ნაგავშემკრები კონტეინერი, მობილიზებულია 261 ერთეული სპეციალური ტექნიკა.
რა შედის თქვენს ძირითად მოვალეობებში?
– “თბილსერვის ჯგუფი” დედაქალაქის მასშტაბით ყოველდღიურად ახორციელებს დასუფთავების საკითხების მოწესრიგებას და სანიაღვრე ქსელების მოვლა პატრონობას: ქუჩების, ბაღების, სკვერების დაგვა-დასუფთავება, შეგროვებული მყარი საყოფაცხოვრებო და დიდი ზომის ნარჩენების ნაგავსაყრელამდე ტრანსპორტირება. ნაგავსაყრელ პოლიგონზე ნარჩენების განთავსება-გაუვნებელყოფა. თოვლცვენის დროს ქუჩებსა და მოედნებზე ტექნიკური მარილის მოყრა. დასუფთავების მოსაკრებლის ამოღების ორგანიზება. სადრენაჟოო ქსელების, სანიაღვრე კოლექტორების, ნაგებობების, წვიმმიღებების, გვერდმიმღებებისა და საკონტროლო ჭების ექსპლუატაციის გაწევა. ახალი და დაზიანებული სადრენაჟე ქსელების პროექტებისა და ტექნიკური პირობების შეთანხმება-გაცემა.
როგორ ერთვებით სხვადასხვა სახის სამუშაოებში?
– სამუშაოებს ვასრულებთ მთავრობის დავალების შესაბამისად, ასევე კერძო ხელშეკრულების საფუძველზე კომპეტენციის ფარგლებში.
რამდენად ორგანიზებულად მუშაობს თბილსევრის ჯგუფი? რა არის მისი მთავარი მიზანი?
– დაკისრებული მოვალეობები სრულდება ორგანიზებულად, კომპანიის მთავარი მიზანია დედაქალაქში სისუფთავის უზრუნველყოფა ასევე ნარჩენების სწორი მართვა უსაფრთხო გაუვნებლობა.
რა ძირითად მოთხოვნებს უნდა აკმაყოფილებდეს ადამიანი, რომელსაც თქვეს ორგანიზაციაში, სურს მუშაობის დაწყება?
– სხვადასხვა საშტატო ერთეულისთვის სხვადასხვა მოთხოვნებია.
ძირითადად რა პრობლემებს ხედავთ თბილისში, რომელიც მოკლე დროში საჭიროებს გადაჭრას?
– 2015 წლის 15 იანვრიდან ძალაში შევიდა „ნარჩენების მართვის კოდექსი“, რომელიც მუნიციპალიტეტებს ავალდებულებს, ნარჩენების მართვის 5 წლიანი გეგმის შემუშავებას და მუნიციპალური ნარჩენების სეპარირებული შეგროვების სისტემაზე ეტაპობრივ გადასვლას, რისთვისაც 2018 წლიდან შესაცვლელია კონტეინერები და სპეც ტექნიკა. ასევე პრობლემას წარმოადგენს მოსახლეობის დაუდევარი დამოკიდებულება ნარჩენების მიმართ. 
რა სამომავლო გეგმები გაქვთ?
– ქ. თბილისის მუნიციპალიტეტის მერიამ მყარი საყოფაცხოვრებო ნარჩენების გადამუშავებისა და ნარჩენების გადამამუშავებელი ქარხნების მშენებლობა/მართვის უზრუნველსაყოფად ინტერესთა გამოხატვა გამოაცხადა. 2015 წლის 15 აპრილს დასრულდა წინადადებების მიღება მიმდინარეობს განხილვა, რის საფუძველზეც გამოვლინდება გამარჯვებული.
ესაუბრა სალომე აფხაზაშვილი
