მასწავლებელთა პროფესიული განვითარების ეროვნული ცენტრი განათლების საკითხებით დაინტერესებულ პირებს კონფერენციაში მონაწილეობას სთავაზობს. როგორც “თბილისი თაიმსს” მასწავლებელთა პროფესიული განვითარების ეროვნული ცენტრიდან აცნობეს, მასწავლებელთა პროფესიული განვითარების ეროვნული ცენტრი სკოლის ადმინისტრაციისა და საგანმანათლებლო რესურსცენტრების წარმომადგენლებს, განათლების ექსპერტებს, ტრენერებს, განათლების სფეროში მომუშავე არასამთავრობო, სამთავრობო და საერთაშორისო ორგანიზაციების წარმომადგენლებს, განათლების ადმინისტრირების პროგრამების პროფესორ-მასწავლებლებს, სტუდენტებსა და კურსდამთავრებულებს კონფერენციაში მონაწილეობას სთავაზობს. მათივე ინფორმაციით, ოთხდღიანი კონფერენცია – “განათლების მართვის აქტუალური საკითხები” მიმდინარე წლის ოქტომბერში ჩატარდება. დაგეგმილი ღონისძიების მიზანია საქართველოში განათლების მართვის პრაქტიკის გაუმჯობესება განათლების მართვის სფეროში აქტუალური საკითხების, კვლევებისა და მართვის წარმატებული მაგალითების გაზიარებისა და პოპულარიზაციის გზით. კონფერენციის მონაწილებს საშუალება მიეცემათ კოლეგებს გაუზიარონ საკუთარი გამოცდილება და განიხილონ წარმატებული მაგალითები. კონფერენციის მოხსენებების თემატიკა თხუთმეტზე მეტ მიმართულებას მოიცავს. მონაწილეობის მსურველები დეტალური ინფორმაციის გაცნობას და ელექტრონული რეგისტრაციის გავლას ცენტრის ოფიციალურ ვებგვერდზე – წწწ.ტპდც.გე შეძლებენ.
