გერმანიის კანცლერი და საფრანგეთის პრეზიდენტი ევროკავშირის ქვეყნებში მიგრანტების თანაბარი გადანაწილების წინადადებით გამოდიან.
საფრანგეთის პრეზიდენტის კანცელარიის ინფორმაციით, ანგელა მერკელი და ფრანსუა ოლანდი მიგრანტების ნაკადის მიღებისა და სამართლიანი გადანაწილების წინადადებით ბრიუსელს დღეს მიმართავენ.
გერმანიისა და საფრანგეთის ლიდერები მიგრანტების სამშობლოში დაბრუნების გეგმასაც ამუშავებენ და აცხადებენ, რომ ბევრი მიგრანტი ლტოლვილი არ არის და ევროპაში უკანონო გზებით მატერიალური მდგომარეობის გაუმჯობესებას ცდილობენ.
ანგელა მერკელი ფიქრობს, რომ მიგრანტების ტვირთი ევროპამ თანაბრად უნდა გადაინაწილოს.