კახა მამულაშვილი, მომღერალ ლელა წურწუმიას მეუღლე, რომელიც ნარკო დანაშაულისთვის იყო დაკავებული სასამართლო დარბაზიდან გაათავისუფლეს.
გავრცელებული ინფორმაციით, დაცვის მხარემ მოსამართლე დავით კურტანიძეს მიმართა შუამდგომლობით, მამულაშვილისთვის აღკვეთის ღონისძიების შეცვლის შესახებ. 15 ათასლარიანი გირაოთი გათავისუფლების შუამდგომლობას დაეთანხმა პროკურატურაც და ამის შემდეგ კახა მამულაშვილი სასამართლო დარბაზიდან გაათავისუფლეს. გირაოს გადახდის ვადად 10 დღე განესაზღვრა.
კახა მამულაშვილი სამართალდამცავებმა 18 ივლისს თბილისის საერთაშორისო აეროპორტში ნარკოტიკული საშუალებების უკანონო შეძენა-შენახვისა და საქართველოში უკანონოდ შემოტანის ბრალდებით დააკავეს. სამართალდამცველებმა დაკავებულის პირადი ჩხრეკის დროს ხელბარგიდან და პირადი საფულიდან ამოიღეს 5.591 გრ კოკაინი, 1,15 გრ კანაფის ფისი და ე.წ. ექსტაზი 0,2048 გრ.
