იუსტიციის მინისტრის თეა წულუკიანის ინიციატივით, ნოტარიუსი, რომელიც ახალი დანიშნული იქნება, მუშაობის პირველ სამ წელს რეგიონში გაატარებს. იუსტიციის სამინისტროს მიერ მომზადებული კანონპროექტი საქართველოს მთავრობამ დღეს დაამტკიცა. ცვლილებები „ნოტარიატის შესახებ“ კანონსა და „საგადასახადო კოდექსში“ შედის.
„ნოტარიატის შესახებ კანონში“ ცვლილებების პროექტის თანახმად, ახლად დანიშნული ნოტარიუსი პირველი სამი წლის განმავლობაში სანოტარო საქმიანობას განახორციელებს მაღალმთიანი დასახლების სტატუსის მქონე დასახლებაში, ან ისეთ დასახლებაში, სადაც სანოტარო სამსახურიდან სათანადოდ ხემისაწვდომი არ არის.
იუსტიციის მინისტრის თქმით, თუკი ახლად დანიშნული ნოტარიუსი უარს იტყვის შესაბამის რეგიონში მუშაობაზე, ეს იქნება მისი ნოტარიუსად დანიშვნაზე უარის თქმის მიზეზი.
„კანონპროექტის მომზადება სანოტარო მომსახურების ხელმისაწვდომობასთან დაკავშირებით არსებულმა პრობლემებმა განაპირობა. საქართველოს რამდენიმე მუნიციპალიტეტში ნოტარიუსთა ბიუროები არ ფუნქციონირებს, საქართველოს პატარა ქალაქებსა და მაღალმთიან რეგიონებში ნოტარიუსები და სანოტარო ბიუროები განთავსებაზე უარს იმ მიზეზით აცხადებენ, რომ მათი საქმიანობა ფინანსურად წამგებიანია. სწორედ ამიტომ ნოტარიუსებს, რომლებიც იმ რეგიონებში იმუშაებენ, სადაც სანოტარო მომსახურება სათანადოდ ხელმისაწვდომი არ არის, ფინანსურ დახმარებას ნოიტარიუსთა პალატა გაუწევს. მათ საკვაფილიკაციო გამოცდაში მონაწილეობისთვის გადახდილი თანხაც აუნაზღაუდებათ“, – განაცხადა წულუკიანმა.
Facebook კომენტარები
