შერიგებისა და სამოქალაქო თანასწორობის საკითხებში სახელმწიფო მინისტრის აპარატის ოფიციალურ ვებგვერდზე კიბერთავდასხმა განხორციელდა.
უწყების პრესსამსახურის ინფორმაციით, შედეგად ვებგვერდი მიუწვდომელი დღეს, 13:00 საათისთვის გახდა. Smr.gov.ge-ზე განთავსებული იყო ტერორისტული შინაარსის ტექსტი და ფოტოები. ამჟამად აპარატის ვებგვერდი დაბლოკილია, facebook გვერდი კი ჩვეულ რეჟიმში მუშაობს.
სახელმწიფო მინისტრის აპარატმა რეაგირებისთვის შინაგან საქმეთა და იუსტიციის სამინისტროებს მიმართა. ეს აპარატის ვებგვერდზე თავდასხმის უკვე მეორე შემთხვევაა. ანალოგიური შემთხვევა მიმდინარე წლის 18 აგვისტოსაც მოხდა.
