საბერძნეთში გამართული საპრალამენტო არჩევნების შედეგად გამარჯვება კვლავ პარტია “სირიზამ” მოიპოვა. ამ დროისთვის ბიულეტენების 99 პროცენტი უკვე დათვლილია. BBC-ის ინფორმაციით, მემარცხენე კოალიციამ, რომელსაც ექს-პრემიერი ალექსის ციპრასი ხელმძღვანელობს, ვადამდელ საპარლამენტო არჩევნებში მონაწილეების ხმების 35,47% მიიღო, მეორე ადგილი კონსერვატიულმა “ახალმა დემოკრატიამ” დაიკავა და 28% მოიპოვა. ალექსის ციპრასის განცხადებით, საბერძნეთს წინ რთული გზა ელოდება და ფინანსური კრიზისის დასაძლევად დაუღალავი შრომაა საჭირო. ბოლო 6 წლის განმავლობაში საბრძნეთში ვადამდელი არჩევნები უკვე მეხუთედ ტარდება.