გამოცდებთან დაკავშირებული სიახლეების შესახებ “პრაიმტაიმის” პრესკლუბში გამოცდების ეროვნული ცენტრის დირექტორმა, მაია მიმინოშვილმა ისაუბრა.
მისი თქმით, აბიტურინტებისთვის წელს ორი მნიშვნელოვანი სიახლეა – დაფინანსება და მიმართულებების არჩევის წესი.
წელს აბიტურიენტებს შეეძლებათ აირჩიონ იმდენი ფაკულტეტი და უმაღლესი სასაწავლებელი, რამდენიც სურთ. მათ საბოლოო არჩევანის დაფიქსირება ერთიან ეროვნულ გამოცდებზე რეგისტრაციის დაწყებიდან აპელაციის პროცესის დაწყებამდე შეუძლიათ.
რაც შეეხება დაფინანსებას, უკვე გამოხადდა სახელმწიფო საბაკალავრო პროგრამის 17 მიმართულება, სადაც ჩარიცხვის შემთხვევაში სტუდენტი სახელმწიფოს ხარჯზე ისწავლის 4 წლის განმავლობაში. მაია მიმინოშვილის თქმით, სხვა მიმართულებებზე ისევ დაფინანსების საერთო, ერთიანი პრინციპი იმოქმედებს და იქნება როგორც სრული, ასევე ნაწილობრივი დაფინანსების პრინციპი.
სიახლეა სამაგისტრო გამოცდებშიც. მომავალ მაგისტრანტებს გამოცდების ეროვნულმა ცენტრმა წელს შესთავაზა 5 ტიპის ტესტი.
“ყველა მათგანი შედგება ოთხი ძირითადი ნაწილისგან: ანალიტიკური წერა, წაკითხულის გააზრება, რაოდენობრივი და ლოგიკური მსჯელობა. მაგრამ სირთულის თვალსაზრისით იქნება განსხავევბული იმისდა მიხედვით, თუ რა მიმართულებაზე აპირებს ჩაბარებას მომავალი მაგისტრანტი.” – აცხადებს მიმინოშვილი.
რაც შეეხება მაგისტრანტების დაფინანსებას, მათ ისევ მხოლოდ 100%-იანი დაფინანსების მოპოვება შეეძლებათ.
გარდა ამისა, წელს 26 ათასამდე პედაგოგი გაივლის სასერტიფიკაციო გამოცდებს.
ერთიანი ეროვნული გამოცდები გამოცდები 27 ივნისს დაიწყება და სამაგისტრო და პედაგოგების გამოცდებთან ერთად, 17 ივლისამდე გაგრძელდება.
25.06.13
