თბილისის მერი დავით ნარმანია ტრანსპორტის, ინფორმაციისა და კომუნიკაციების მიმართულებით მსოფლიო ბანკის წარმომადგენლებს პიერ გუისლეინსა და მუსტაფა ბენმაამარს შეხვდა. შეხვედრის მიზანი იყო მსოფლიო ბანკის წარმომადგენლების ინფორმირება, მათი მხრიდან რა სახის მხარდაჭერაა საჭირო ტრანსპორტისა და კომუნიკაციების (ICT) მიმართულებით. „მსოფლიო ბანკს აქვს ინტერესი დაგვეხმაროს დედაქალაქში მუნიციპალური ტრანსპორტის განვითარების კუთხით. შეხვედრაზე ვისაუბრეთ რათა დაგვეხმარონ საცობების მართვის სტრატეგიის მომზადებაში, სატრანსპორტო ნაკადების უკეთ გადანაწილებაში. ასევე, მუნიციპალური ინფრასტურქუტურისა და მუნიციპალური სატრანსპორტო-საგზაო ინსფრასტრუქტურის გაუმჯობესების პროექტების დაფინასებაში“, – განაცხადა დავით ნარმანიამ.
პიერ გუისლეინი მსოფლიო ბანკის ტრანსპორტის, ინფორმაციისა და კომუნიკაციების მიმართულების ხელმძღვანელია. მუსტაფა ბენმაამარი კი მსოფლიო ბანკის ტრანსპორტის პროგრამის ხელმძღვანელი.