რუსთავი 2-ს დირექტორის ნ.გვარამიას მიერ საჯარო განცხადების საფუძველზე მთავარი პროკურატურის საგამოძიებო ნაწილში დაიწყო გამოძიება, მის მიმართ იძულების განხორციელების ფაქტზე დანაშაული გათვალისწინებული სსკ-ს 150-ე მუხლის პირველი ნაწილით.
როგორც “თბილისი თაიმსს” პროკურატურიდან აცნობეს, საგამოძიებო ნაწილის გამომძიებელი დაუკავშირდა ნიკა გვარამიას მობილური ტელეფონის მეშვეობით მისი მოწმის სახით დასაკითხად დაბარების მიზნით, რაზეც გვარამიამ განაცხადა რომ დღეს მთავარ პროკურატურაში გამოცხადებას ვერ შეძლებდა და გამოცხადდება ხვალ 2015 წლის 22 ოქტომბერს 12 საათზე. შესაბამისად ნ. გვარამიას მოწმის სახით დაკითხვა მოხდება ხვალ დღის 12 საათზე.
