გერმანიაში ოფიციალური ვიზიტის ფარგლებში საქართველოს ვიცე-პრემიერმა, საგარეო საქმეთა მინისტრმა გიორგი კვირიკაშვილმა, გერმანული ბიზნეს წრეების წარმომადგენლებთან შეხვდედრა გამართა.
გიორგი კვირიკაშვილი ბიზნეს წრეების წარმომადგენლებს გერმანიის ეკონომიკის აღმოსავლეთ კომიტეტის ეგიდით შეხვდა. ღონისძიებას გერმანული კომპანიების წარმომადგენლები ესწრებოდნენ სხვადასხვა სფეროდან, მათ შორის ენერგეტიკა, მრეწველობა, სოფლის მეურნეობა, ტურიზმი და მომსახურება.
“გვქონდა ძალიან საინტერესო შეხვედრა ვიცე-პრემიერთან. მინდა ვთქვა, რომ ევროკავშირთან თავისუფალი ვაჭრობის რეჟიმმა და საქართველოში ბიზნესის კეთების მხრივ არსებულმა სხვა ინდიკაციებმა საქართველო საინტერესო ქვეყანა გახადა ინვესტიციებისთვის. ვფიქრობ, რომ ჩვენ შეგვიძლია ცალკეული პროექტების და ინტერესის გამონახვა ენერგო სექტორში, სოფლის მეურნეობაში, ორგანული პროდუქტების მიმართულებით, ასევე მეღვინეობა. ეს ის სფეროები, რომელთა შესახებ გერმანულ აუდიტორიას მაქსიმალურად ბევრი ინფორმაცია უნდა მივაწოდოთ. საქართველო, ასევე მნიშვნელოვანი ქვეყანაა, როგორც აზია-ევროპის სატრანზიტო დერეფანი, ეს შესაძლებელს ხდის ისეთი სფეროების განვითარებას, როგორიც არის რკინიგზა, საგზაო ინფრასტრუქტურა, პორტები. საქართველოს გეოგრაფიული მდებარეობა და ეკონომიკური მდგომარეობა საინტერსოს ხდის მას გემანული ბიზნესისთვის”, – განაცხადა გერმანიის ეკონომიკის აღმოსავლეთ კომიტეტში გენერალურმა მდივანმა რაინერ ლინდნერმა.
ბერლინში ვიზიტის ფაგლებში საგარეო საქმეთა მინისტრი, გიორგი კვირიკაშვილი ასევე მონაწილეობას მიიღებს გერმანიის ეკონომიკის აღმოსავლეთ ევროპის გაერთიანების თავმჯდომარის მარკუს ფელზნერის სახელით გამართულ ღონისძიებაში, რომელსაც დაესწრებიან გერმანული საშუალო ბიზნესის წარმომდგენლები.