ილიას უნივერსიტეტის სტუდენტური თვითმმართველობის ვიცე პრეზიდენტი ბერდია ბერიძე საკუთარ facebook გვერდზე ინფცორმაციას ავრცელებს და პროტესტს გამოხატავს გამოფენაზე წარმოდგენილი ნახატის გამო. ნახატზე გამოსახულია ფეხმძიმე ღვთისმშობელი, რომელსაც იარაღი აქვს თავზე მიბჯენილი, რაც თვითმკვლელობის იმიტაციას ქმნის.
ამას შემდგომ მოყვება სტუდენტების კომენტარები, სადაც ღიად აფიქსირებენ აღშფოთებას ამ ფაქტის გამო. “თბილისი თაიმსი” ტექსტს უცვლელად გთავაზობთ:
“ღვთისმშობელი თავს იკლავს ილიაუნიში გასაგებია, რომ ვსწავლობთ ლიბერალურ უნივერსიტეტში თუმცა რელიგიური სიწმინდეების შეურაცხყოფა ჩემთვის იგივე გაუნათლებლობაა და უგუნურობაა, როგორც რელიგიური ფანატიზმი, რელიგიის და მამაოების გაფეტიშება, უბრალოდ არ შეიძლება სხვის სიწმინდეს ასეთი სახით შეეხო, არ ვიცი სურათის შინაარსი თუმცა ფორმა მიუღებელია ჩემთვის და ბევრი სტუდენტისთვის ალბათ, სამწუხაროა რომ ილიაუნიში ხდება ეს.” – აცხადებს ბერდია ბერიძე საკუთარ facebook გვერდზე
ბოდიშს ვიხდით თუ ფოტო გამოიწვევს რელიგიური გრძნობების შეურაცხყოფას. ვინაიდან ილიაუნის სტუდენტის მიერ ინფორმაცია საჯარო ფუნქციით გავრცელდა, რედაქციამ აღარ ჩათვალა საჭიროდ ინფორმაციის გამოქვეყნების თაობაზე ავტორთან შეთანხმება.
The Tbilisi Times