ეროვნული ბანკის პრეზიდენტ გიორგი ქადაგიძის განცხადებით, თუ ქვეყანაში ჯანსაღი ეკონომიკური ზრდა იქნება, საშუალოვადიან პერსპექტივაში ლარს ექნება გამყარების ტენდენცია. როგორც გიორგი ქადაგიძემ სასტუმრო “რუმს თბილისში” ჟურნალისტებთან საუბრისას განაცხადა, ის სხვა თანაბარ პირობებში ლარის მეტ მერყეობას არ ელოდება.
“ლარის კურსთან დაკავშირებით შემიძლია გავიმეორო იგივე, რომ სხვა თანაბარ პირობებში, ლარის მეტ მერყეობას არ ველოდებით. მიუხედავად იმისა, რომ მცურავი, გაცვლითი კურსის პირობებში მოკლევადიანი მერყეობა ნორმალურია. უფრო მეტიც, თუ ჩვენ გვექნება ჯანსაღი ეკონომიკური ზრდა, საშუალოვადიან პერსპექტივაში ლარს ექნება გამყარების ტენდენცია”, – განაცხადა ქადაგიძემ.