საპარტნიორო ფონდმა “ჯინო ინვესტთან” ორ პროექტში თანამშრომლობის მემორანდუმი გააფორმა. საპარტნიორო ფონდის ცოდნით, პირველი პროექტი “ჯინო გრინ სითი” შეეხება თბილისის ზღვის მიმდებარე ტერიტორიაზე ეკო ქალაქის მშენებლობას, რომლის ფარგლებში სხვადასხვა სახის ინფრასტრუქტურის, მათ შორის სასტუმრო, დასასვენებელი კომპლექსი, სკოლა, საბავშვო ბაღი, სამედიცინო ცენტრი და სხვადასხვა რეკრეაციული ზონები განთავსდება.
მეორე პროექტი საპარტნიორო ფონდის ინფორმაციით, კომპანია “ჯინო ვესტთან” ერთად საქართველოს სხვადასხვა რეგიონში სპა – სასტუმროების მშენებლობას ითვალისწინებს. მათი მშენებლობა დაგეგმილია ბაკურიანში, მცხეთაში, კახეთსა და სხვა რეგიონებში.
“ჯინო ინვესტის” ჯგუფი საპარტნიორო ფონდთან რამდენიმე წელია თანამშრომლობს: ფონდმა ბიზნეს ჯგუფთან ერთად 2013 წელს ახალციხეში, ისტორიული რაბათის ტერიტორიაზე სასტუმრო “ჯინო ველნეს რაბათის” მშენებლობა დაასრულა და სასტუმრო დღეს წარმატებით ოპერირებს”, – აცხადებენ საპარტნიორო ფონდში.
