“ვიცით, რომ ქიმიური ან ბიოლოგიური იარაღის შესაძლო გამოყენების რისკი არსებობს”

საფრანგეთის პრემიერ-მინისტრმა მანუელ ვალსმა არ გამორიცხა, რომ ტერორისტული დაჯგუფებები საფრანგეთის წინააღმდეგ ქიმიურ ან ბიოლოგიურ იარაღს გამოიყენებენ. როგორც BBC-ი იტყობინება, ამის შესახებ ვალსმა პარლამენტის ქვედა პალატის სხდომაზე სიტყვით გამოსვლისას განაცხადა, სადაც დღეს, საფრანგეთში საგანგებო მდგომარეობის შესახებ რეჟიმის სამი თვით გახანგრძლივების შესახებ კენჭისყრა გაიმართება. “ვიცით, რომ ქიმიური ან ბიოლოგიური იარაღის შესაძლო გამოყენების რისკი არსებობს”, – განაცხადა ვალსმა.