“თუ ცხოვრება მანახებს, რომ ეს არის ჩემი გზა, მე აუცილებლად გავაკეთებ ამას”

„მე არასდროს არ მიფიქრია, ვყოფილიყავი ოპერის მომღერალი, მაგრამ ცხოვრებამ ასე მაიძულა, მაიძულა კი არა, მომცა შანსი და მე ეს გამოვიყენე. არასოდეს არ მინდოდა, რომ ვყოფილიყავი ქველმოქმედი, მაგრამ ცხოვრებამ შექმნა ის პირობები, რომ უნდა გავმხდარიყავი ქველმოქმედი. დღესდღეობით მე ჩამოვაყალიბე ეს ფონდი. თუ რამე მოხდება კიდევ… მე არც უარვყოფ, არც კის გეუბნებით. თუ ცხოვრება მანახებს, რომ ეს არის ჩემი გზა, მე აუცილებლად გავაკეთებ ამას”, – განაცხადა ბურჭულაძემ.

ფონდის დამფუძნებელი ამ ეტაპზე გამორიცხავს, რომ ის მომავალ არჩევნებზე კანდიდატი იქნება. მისივე თქმით, მომავალი წლის კონცერტებზე დადებული კონტრაქტები დროებით გააუქმა.

“მე ყველაფერი გავაუქმე, ეს იმას ნიშნავს, რომ ფონდი არის გასაძილერებლი და მე ამ ფონდში ვარ”, – აღნიშნა ბურჭულაძემ.

ცნობისთვის პაატა ბურჭულაძემ, “პაატა ბურჭულაძე – საქართველოს განვითარების ფონდის” რამდენიმე კვირის წინ დააფუძნა. ფონდის წევრები არიან, პრეზიდენტის ყოფილი მრჩეველი, ვანო მაჭავარიანი, ექსპერტი ხათუნა ლაგაზიძე და საზოგადოებისთვის ცნობილი სხვა სახეები არიან.