„შრომითი ინსპექტირების სახელმწიფო პროგრამა სულ რაღაც წელიწად ნახევარია, რაც ამოქმედდა. შრომის ინსპექცია უნდა იყოს ფასილიტატორი, რომელიც დაეხმარება დამსაქმებლებს და დასაქმებულს, რომ თავიდან ავირიდოთ უბედური შემთხევვები. 2020 წლისთვის უკვე უნდა გვქონდეს დადებული შედეგი“. ამის შესახებ შრომის პირობების ინსპექტირების დეპარტამენტის უფროსმა ლევან ჟორჟოლიანმა ტელეკომპანია „იმედზე“, გადაცემა „ქრონიკის“ ეთერში ისაუბრა.
შრომითი ინსპექტირება ითვალისწინებს დამსაქმებლის ნებართვით შემოწმებას. 2006– დან 2015 წლამდე ეს უწყება გაუქმებული იყო, ინსტიტუციური მეხსიერება დაკარგული ჰქონდა. ამოქმედების შემდეგ საჭირო გახდა კადრების გადამზადება, ინსტიტუციური მეხსიერების დაგროვება, რათა არ მიგვეღო ის მახინჯი ორგანო, რომელიც გვქონდა 2006 წლამდე. ეს ორგანო საკმაოდ კორუმპირებული, არაკვალიფიციური და ბიზნესზე ზეწოლის კარგი საშუალება იყო. შრომის ინპექტირება ასოცირების შეთანხმების ერთ–ერთი მნიშვნელოვანი ნაწილია, განსაზღვრულია 30–ე დანართით. ინსპექციის გაძლიერება გარდაუვალია. ამაზე მუშაობა დავიწყეთ 2016 წლის მიწურულს. კანონპროექტის დამტკიცებას გარკვეული ვადა სჭირდება.
სულ შემოწმებულია 300–მდე ობიექტი, მხოლოდ 2016 წელს 176 ობიექტი შემოწმდა. მოვიცავით ისეთი სფეროები, როგორიც არის მეტალურგია, სამთო, სამედიცინო, დისტრიბუციული კომპანიები, თითქმის ყველა სფერო დაფვარეთ. დარღვევები ძირითადად იდენტურია, სახანძრო საწინააღმდეგო სისტემის არარსებობა, ელექტრო სისტემის გაუმართაობა, ინდივიდუალური დაცვის საშუალებების არარსებობა, მიკროკლიმატის დაუცველობა, ეკოლოგიური პრობლემები. ჩვენი ძალისხმევით რამდენიმე მათგანში დაინიშნა უსაფრთხოებაზე პასუხისმგებელი პირი, რაც აქამდე ამ კომპანიებში არ ყოფილა.
მანანა ღოღობერიძე
