თბილისში, აღმაშენებლის ხეივანი უსაფრთხოების მიზნით, დროებით გადაკეტილი იყო, – ამის შესახებ საგანგებო სიტუაციების მართვის სამსახურში განაცხადეს. უწყების ცნობით, ერთ-ერთი მაღალსართულიანი კორპუსიდან იყო მინების ჩამოყრის საფრთხე. ინფორმაციას 1tv ავრცელებს.
საგანგებო სიტუაციების მართვის სამსახურის მაშველებმა შენობის მინები გაამაგრეს, რის შემდეგაც აღმაშენებლის ხეივანი გაიხსნა.
ძლიერი ქარის გამო, საქართველოში სახანძრო-სამაშველო გამოძახების მოთხოვნით ჯამში 200-მდე ზარი განხორციელდა.
საქართველოს ტერიტორიაზე ძლიერმა ქარმა შენობების სახურავები დააზიანა.
